G -23ના નેતાઓને સોનિયા ગાંધીનો જવાબ, કહ્યું- મીડિયા દ્વારા વાત કરવાની જરૂર નથી, હું જ છુ ફુલટાઈમ પ્રેસિડેંટ

કોંગ્રેસ કાર્યકારી સમિતિ (CWC) ની મહત્વની બેઠક આજે સવારે 10 વાગ્યે શરૂ થઈ. કોંગ્રેસ અધ્યક્ષ સોનિયા ગાંધીએ બેઠક દરમિયાન પાર્ટીના 'જી23' સમૂહના નેતાઓ પર નિશાન સાધતા કહ્યું કે, તેઓ જ પાર્ટીના ફુલટાઈમ અધ્યક્ષ છે અને તેમની સાથે વાત કરવા માટે મીડિયાની મદદ લેવાની જરૂર નથી. તેમણે કોંગ્રેસ કાર્યકારિણી બ(CWC) બેઠકમાં જણાવ્યું હતું કે અધ્યક્ષની પસંદગીની પ્રક્રિયા 30 જૂન સુધીમાં પૂર્ણ થવાની હતી, પરંતુ કોરોના મહામારીના કારણે તેને સ્થગિત કરવી પડી હતી અને હવે તેની રૂપરેખા રજૂ કરવામાં આવશે.
<

"The shocking incidents at Lakhimpur-Kheri recently betrays the mindset of BJP, how it perceives
Kisan Andolan, how it has been dealing with this determined struggle by Kisans to protect their
lives & livelihoods," Congress interim pres Sonia Gandhi in her opening remarks at CWC pic.twitter.com/O2C9yyqYoY

— ANI (@ANI) October 16, 2021 >
સોનિયાએ ભૂતકાળમાં જમ્મુ -કાશ્મીરમાં લઘુમતીઓની હત્યાની નિંદા કરી હતી અને કહ્યું હતું કે, કેન્દ્ર સરકારની જવાબદારી છે કે ગુનેગારોને ન્યાય અપાય અને આ કેન્દ્રશાસિત પ્રદેશમાં શાંતિ અને સંવાદિતા ફરીથી સ્થાપિત કરે. જણાવી દઈએ કે પંજાબના મુખ્યમંત્રી ચરણજીત સિંહ ચન્ની(Charanjit Channi) સહિત પાર્ટીના વરિષ્ઠ નેતા પી ચિદમ્બરમ(P Chidambaram)  પણ આ બેઠકમાં ભાગ લેવા પહોંચ્યા છે. વાયનાડના સાંસદ અને પાર્ટીના પૂર્વ અધ્યક્ષ રાહુલ ગાંધી પણ બેઠકમાં ભાગ લઈ રહ્યા છે. આ સભામાં કુલ મળીને 52 સભ્યો ભાગ લઈ રહ્યા છે. તે જ સમયે, પૂર્વ વડા પ્રધાન મનમોહન સિંહ અને દિગ્વિજય સિંહ સહિત પાંચ વરિષ્ઠ નેતાઓ તેનો ભાગ નથી. બેઠક અંગે જણાવવામાં આવ્યું છે કે આગામી વિધાનસભાની ચૂંટણી અને પક્ષમાં સંગઠનાત્મક સ્તરે ફેરફારો અંગે ચર્ચા કરવામાં આવશે.