શ્રીલંકામાં એશિયા કપ થવાથી નારાજ જકા અશરફ - PCB ચેયરમેન પદના દાવેદાર અશરફ બોલ્યા - હાઈબ્રિડ મૉડલથી પાકિસ્તાનને નુકશાન

asia cup

પાકિસ્તાન ક્રિકેટ બોર્ડ (PCB)માં અધ્યક્ષ પદના પ્રબળ દાવેદાર ઝકા અશરફે શ્રીલંકામાં યોજાઈ રહેલા એશિયા કપને લઈને નારાજગી વ્યક્ત કરી છે. તેમણે કહ્યું કે હાઇબ્રિડ મોડલ પાકિસ્તાનને નુકસાન પહોંચાડશે. અગાઉના મેનેજમેન્ટે આખી ટુર્નામેન્ટ પાકિસ્તાનમાં જ યોજવાનો આગ્રહ રાખવો જોઈતો હતો.

પાકિસ્તાન સરકારે ઝકા અશરફને PCB અધ્યક્ષ પદ માટે દાવેદાર બનાવ્યા છે. પીસીબીની ચૂંટણી આ અઠવાડિયે યોજાશે અને અહેવાલો અનુસાર અશરફ નવા અધ્યક્ષ બનશે.

'પાકિસ્તાનને વધુ મેચ મળવા જોઈતી હતી.

અશરફે બુધવારે પ્રેસ કોન્ફરન્સમાં કહ્યું, 'એશિયા કપનું હાઇબ્રિડ મોડલ પાકિસ્તાન માટે કોઈપણ રીતે ફાયદાકારક નથી. યજમાન તરીકે પીસીબીએ આઈસીસી અને બીસીસીઆઈ સમક્ષ પોતાનો મામલો મજબૂત રીતે રજૂ કરવો જોઈતો હતો. શ્રીલંકામાં 9 અને પાકિસ્તાનમાં માત્ર 4 મેચ રમવી બોર્ડ માટે નુકસાનકારક સાબિત થશે.

એશિયા કપમાં 6 ટીમો ભાગ લેશે. ગ્રુપ-Aમાં ભારત, પાકિસ્તાન અને નેપાળ છે. જ્યારે ગ્રુપ-બીમાં શ્રીલંકા, અફઘાનિસ્તાન અને બાંગ્લાદેશ છે.