ઈન્ડિયન પ્રીમિયર લીગની 16મી સિઝન પૂરી થઈ ગઈ છે. પરંતુ ભારતમાં T20 ક્રિકેટનો જાદુ કાયમ છે. ગયા ગુરુવારે મહારાષ્ટ્ર પ્રીમિયર લીગની પ્રથમ સીજન શરૂ થતાં . સિઝનની પ્રથમ મેચમાં પુનેરી બાપ્પા અને કોલ્હાપુર ટસ્કર્સની ટીમો આમને-સામને હતી. જ્યાં પુનેરી બાપ્પાની ટીમે કેપ્ટન ઋતુરાજ ગાયકવાડની તોફાની ઇનિંગ્સના આધારે આ ઓપનિંગ મુકાબલામાં 8 વિકેટે જીત મેળવી હતી. પરંતુ આ મેચ દરમિયાન એક એવી ક્ષણ જોવા મળી, જેમાં એક પ્રશંસકે ફિલ્મી સ્ટાઈલમાં એન્ટ્રી મારી અને સીધો મેદાનની વચ્ચે પહોંચી ગયો અને બેટિંગ કરી રહેલા ઋતુરાજના પગે પડવા લાગ્યો. હવે આ મજેદાર ક્ષણનો વીડિયો સોશિયલ મીડિયા પર વાયરલ થઈ રહ્યો છે.
