વિમેન્સ પ્રીમિયર લીગ (WPL)ની બીજી સિઝનમાં UP વોરિયર્સની ટીમે ગુજરાત જાયન્ટ્સ સામેની મેચમાં 6 વિકેટે જીત મેળવી હતી. આ સિઝનમાં યુપી વોરિયર્સની આ બીજી જીત છે. મેચમાં પ્રથમ બેટિંગ કરતા ગુજરાત જાયન્ટ્સની ટીમે 20 ઓવરમાં 5 વિકેટ ગુમાવીને 142 રન બનાવ્યા હતા. આ પછી લક્ષ્યનો પીછો કરવા આવેલી યુપી વોરિયર્સની ટીમના ગ્રેસ હેરિસે 60 રનની અણનમ ઇનિંગ રમીને માત્ર 15.4 ઓવરમાં ટીમને જીત અપાવવામાં મહત્વની ભૂમિકા ભજવી હતી. આ જીત બાદ યુપીની ટીમ હવે WPLની બીજી સિઝનના પોઈન્ટ ટેબલમાં ત્રીજા સ્થાને પહોંચી ગઈ છે.
