સવારે ઉઠતા જ જો તમને ઉલ્ટી કે ગભરામણ થાય તો આ હોઈ શકે લિવર ખરાબ થવાના લક્ષણ, આ રીતે ઓળખો

શરીરનુ સૌથી મોટુ અને મહત્વપૂર્ણ અંગ છે લિવર. શરીરમાંથી ટૉક્સિસને કાઢવા, ખાવાનુ પચાવવા માટે બોઈલ પ્રોટીનનુ ઉત્પાદન કરવુ અને એનર્જીને સ્ટોર કરવાનુ કામ લિવર કરે છે.  આમ તો લિવરમાં તમને આપમેળે જ ઠીક થવાની ક્ષમતા છે. પણ અનેકવાર તેમા એટલુ વધુ ડેમેજ થવા માંડે છે કે લિવરના ફંક્શન્સમાં ગડબડી જોવા મળે છે.  આવામાં જ્યારે લિવર કામ કરવુ બંધ કરી દે છે કે પછી ધીરે કામ શરૂ કરે છે તો શરીરમાં અનેક લક્ષણ જોવા મળે છે.  મોટાભાગના લોકો આ લક્ષણોને ગંભીરતાથી લેતા નથી. પણ જો તેના પર ધ્યાન આપો તો તેનાથી લિવરને થનારુ ડેમેજ ઓછુ થઈ શકે છે.  જો સવારે ઉઠીને તમને ઉલ્ટી કે ગભરામણ જેવુ અનુભવાય તો આ લિવર ડેમેજ થવાના લક્ષણ છે. જાણો આ ઉપરાંત કયા લક્ષણો જોવા મળે છે. 

લિવર ખરાબ થવાના લક્ષણ 

સવારે ઉલ્ટી થવી - અનેકવાર સવારથી જ ગભરામણ થાય છે અને ઉલ્ટી જેવો અનુભવ થાય છે. આવો અનુભવ થવો લિવર ડેમેજ થવાના લક્ષણ હોઈ શકે છે. ઉલ્લેખનીય છે કે જ્યારે લિવર ખરાબ થવા માંડે છે તો પાચન તંત્રમાં અનેક પ્રકારની સમસ્યા ઉભી થાય છે. જેના કારણે ઉલટી અને ઉબકા જેવો અનુભવ થવા માંડે છે. જો તમને દરરોજ આવું લાગે તો તરત જ ડૉક્ટરની સલાહ લો.

સવારે થાક - જો તમે સવારે ઉઠતાની સાથે જ થાક અથવા ઓછી ઉર્જા અનુભવો છો, તો તે લીવર ડેમેજની નિશાની હોઈ શકે છે. ઘણી વખત, રાત્રે સારી ઊંઘ લીધા પછી પણ, સવારે ઉઠ્યા પછી થાક લાગે છે. જો તમને એવું લાગે તો એકવાર ડૉક્ટરની સલાહ અવશ્ય લો. આ પણ લીવર ડેમેજની નિશાની હોઈ શકે છે.

પેટમાં દુખાવો- લિવર ડેમેજ થવાનું બીજું લક્ષણ એ છે કે આવા લોકોને પેટમાં દુખાવો અને સોજો આવવા લાગે છે. સામાન્ય રીતે પેટના ઉપરના જમણા ભાગમાં દુખાવો અનુભવાય છે. લીવરના કદમાં વધારો થવાને કારણે આવું થાય છે. ખાસ કરીને સવારે પેટમાં ઘણી વખત

 ત્વચાનો રંગ - જો સવારે તમને ત્વચાનો રંગ થોડો નિસ્તેજ દેખાય છે. જો આંખોમાં પીળાશ દેખાય છે, તો તે લીવરના ડેમેજ થવાની નિશાની હોઈ શકે છે. જ્યારે લિવર યોગ્ય રીતે કામ કરતુ નથી તો  બિલીરૂબિનનું પ્રમાણ વધવા માંડે છે. જેના કારણે ત્વચાનો રંગ પીળો થવા માંડે છે. આવી સ્થિતિમાં વિલંબ કર્યા વિના ડૉક્ટરનો સંપર્ક કરો.

ચહેરા ફુલેલો અને સોજા  - ઘણી વખત સવારે ઉઠ્યા પછી ચહેરા પર સોજા દેખાય છે. ચહેરો ફુલેલો લાગે છે. આ લીવર ડેમેજને કારણે હોઈ શકે છે. જ્યારે લીવર યોગ્ય રીતે કામ કરતું નથી, ત્યારે શરીરમાં પ્રોટીન અને ઇલેક્ટ્રોલાઇટ્સનુ બેલેંસ બગડવા માંડે છે. આવામાં ચેહરા પર સોજો જેવુ દેખાય છે.