પેરિસ પેરાલિમ્પિક્સ 2024માં ભારતીય ખેલાડીઓ જોરદાર પ્રદર્શન કરી રહ્યા છે. જેવલિન થ્રોની F41 કેટેગરીની ફાઇનલમાં ભારતના નવદીપે શાનદાર પ્રદર્શન કરીને ગોલ્ડ મેડલ જીત્યો હતો. તેણે જોરદાર પ્રદર્શન બતાવ્યું અને 47.32 મીટર થ્રો કર્યો. તેને અગાઉ આ ઇવેન્ટનો સિલ્વર મેડલ મળ્યો હતો અને રિપબ્લિક ઓફ ઈરાનના સયાહ બાયતે ગોલ્ડ જીત્યો હતો. પરંતુ ત્યારબાદ ઈરાનના પેરા એથલીટનેડીસક્વોલીફાય ઠેરવવામાં આવ્યો હતો. આ કારણે ભારતના નવદીપે ગોલ્ડ મેડલ મેળવ્યો હતો. આ ઈવેન્ટમાં ચીનના સુન પેંગ્ઝિયાંગે 44.56 મીટરના થ્રો સાથે સિલ્વર મેડલ જીત્યો હતો. બ્રોન્ઝ મેડલ ઇરાકના નુખૈલાવી વિલ્ડેનને મળ્યો હતો. તેણે કુલ 40.46 મીટર થ્રો કર્યો.
હરિયાણાના પાણીપતના રહેવાસી નવદીપની શરૂઆત ખૂબ જ ખરાબ રહી હતી. જ્યારે તેનો પહેલો થ્રો ફાઉલ થયો હતો. આ પછી તેણે 46.39 મીટરનો બીજો થ્રો કર્યો. તે ત્રીજા થ્રોમાં લયમાં જોવા મળ્યો હતો અને તેણે શાનદાર પ્રદર્શન કરીને 47.32 મીટરનો થ્રો કર્યો હતો. તેનો ચોથો અને છઠ્ઠો થ્રો ફાઉલ હતો. તેણે પાંચમો થ્રો 46.05 મીટર સુધી ફેંક્યો. નવદીપનો ત્રીજો એકલા ફેંકે તેને ગોલ્ડ મેડલ જીતાડ્યો હતો.
<
BREAKING: Navdeep's Silver has been upgraded to GOLD medal
The Iranian athlete who finished on top earlier was disqualified.
ભારતે પેરિસ પેરાલિમ્પિક્સ 2024માં અત્યાર સુધીમાં કુલ 29 મેડલ જીત્યા છે, જેમાં 7 ગોલ્ડ, 9 સિલ્વર અને 13 બ્રોન્ઝ મેડલ સામેલ છે. મેડલ ટેલીમાં ભારત 15મા નંબર પર છે. ચીન 91 ગોલ્ડ સાથે નંબર વન પર છે. ગ્રેટ બ્રિટને 46 ગોલ્ડ મેડલ જીત્યા છે અને તે બીજા સ્થાને છે.