ભારતના પ્રવાસન સ્થળોનો કેન્દ્ર સરકારે તાજેતરમાં રિપોર્ટ બહાર પાડયો છે. જેમાં દેશના ટોપ ટેન ટૂરિસ્ટ ડેસ્ટિનેશન સ્ટેટમાં ગુજરાતનો સમાવેશ થતો નથી. જુલાઈ-૨૦૧૪થી જૂન-૨૦૧૫ના સમયગાળામાં નેશનલ સેમ્પલ સરવે ઓર્ગેનાઈઝેશન દ્વારા થયેલા સર્વેક્ષણના આધારે આ રિપોર્ટ તૈયાર થયો છે. મહારાષ્ટ્રને નંબર વન ટૂરિસ્ટ ડેસ્ટિનેશન સ્ટેટ તરીકે આ રિપોર્ટમાં દર્શાવાયું છે, જ્યારે અન્ય રાજ્યોમાં ઉત્તર પ્રદેશ, તામિલનાડુ, પશ્ચિમ બંગાળ, બિહાર, આંધ્ર પ્રદેશ અને તેલંગણા એક રાજ્ય તરીકે, ઓડિશા, રાજસ્થાન, કેરળ અને કર્ણાટક આ યાદીમાં સમાવિષ્ટ છે