મહારાષ્ટ્રના જલગાંવ જિલ્લાના ચાલીસગાંવ તહસીલ અને તેની આસપાસના વિસ્તારોમાં ખાસ કરીને રંજનગાંવ ગામમાં જંગલી દીપડાનો ભય હતો. આ દીપડાએ અનેક ગ્રામજનોને ઘાયલ કર્યા હતા.
દીપડાને પકડવા માટે વહિવટી તંત્ર અને વન વિભાગે અનેક જગ્યાએ લોખંડના પાંજરા મુક્યા હતા અને આજે આ માનવભક્ષી દીપડો ઝડપાયો હતો. ચાર દિવસ પહેલા આ દીપડાએ 5 વર્ષની બાળકીને તેના પિતાના હાથમાંથી છીનવી લીધી હતી અને તેને પોતાનો શિકાર બનાવી હતી. આ અકસ્માતમાં એક માસૂમ બાળકીનું મોત થયું હતું.