મુંબઇ-અમદાવાદ હાઇવે પર ભીષણ અકસ્માત, ચાર લોકોના મોત

મુંબઈ-અમદાવાદ હાઈવે પર એક ભયાનક માર્ગ અકસ્માત સર્જાયો છે. પાલઘર જિલ્લાના દહાણુ વિસ્તારમાં હાઈવે પર કાર અને લક્ઝરી બસ વચ્ચે ટક્કર થઈ હતી. આ અકસ્માતમાં 4 લોકોના ઘટનાસ્થળે જ મોત થયા છે. આ માહિતી પાલઘર પોલીસે આપી હતી. પોલીસે જણાવ્યું કે કાર ગુજરાતથી મુંબઈ જઈ રહી હતી. દરમિયાન કાર ચાલકે વાહન પરથી કાબુ ગુમાવ્યો હતો. ત્યારબાદ કાર બસ સાથે અથડાઈ હતી.

મુંબઈ-અમદાવાદ નેશનલ હાઈવે પર એક કાર અને લક્ઝરી બસની ટક્કર થઈ હતી અને આ અકસ્માતમાં એક મહિલા સહિત ચાર મુસાફરોના મોત થયા હતા. આ ઘટના દહાણુ તાલુકાના ચરોટીથી પાંચ કિલોમીટર દૂર આવેલા મહાલક્ષ્મી મંદિર પાસે સવારે 3-3:30 વાગ્યાની આસપાસ બની હતી. મંગળવારે સવારે ગુજરાતથી મુંબઈ તરફ આવી રહેલા એક કાર ચાલકે કાબૂ ગુમાવ્યો હતો અને લક્ઝરી બસને ટક્કર મારી હતી. આ અકસ્માતમાં કારમાં સવાર ચાર લોકોના ઘટનાસ્થળે જ મોત થયા હતા. આમાં એક મહિલા પણ સામેલ હતી. આ સાથે લક્ઝરી બસના ચાલક અને અન્ય ત્રણ મુસાફરોને ઈજા થઈ હતી.

દરમિયાન સ્થાનિક લોકોએ પોલીસને ઘટનાની જાણ કરતાં પોલીસ તાત્કાલિક ઘટનાસ્થળે પહોંચી ગઈ હતી. ઘાયલોને કાસાની સબ ડિસ્ટ્રિક્ટ હોસ્પિટલમાં દાખલ કરવામાં આવ્યા છે. મૃતદેહોને પણ પોસ્ટમોર્ટમ માટે મોકલવામાં આવ્યા હતા. રસપ્રદ વાત એ છે કે 8 જાન્યુઆરીએ પણ આ જ વિસ્તારમાં એક અકસ્માતમાં ત્રણ મુસાફરોના મોત થયા હતા