ચૂંટણી પહેલા ભાજપને મોટો ફટકો, ચૌધરી બિરેન્દ્ર સિંહ કોંગ્રેસમાં જોડાશે.

Chaudhary Birendra Singh- આજે દિલ્હીમાં બિરેન્દ્ર સિંહે કહ્યું કે મેં ભાજપના પ્રાથમિક સભ્યપદેથી રાજીનામું આપી દીધું છે અને મારું રાજીનામું પાર્ટીના વડા જેપી નડ્ડાને મોકલી આપ્યું છે. મારી પત્ની પ્રેમ લતાએ પણ પાર્ટી છોડી દીધી છે. આવતીકાલે મંગળવારે અમે કોંગ્રેસમાં જોડાઈશું.

લોકસભા ચૂંટણી પહેલા હરિયાણામાં ભાજપને મોટો ઝટકો લાગ્યો છે. રાજ્યના અગ્રણી જાટ નેતા અને પૂર્વ કેન્દ્રીય મંત્રી ચૌધરી બિરેન્દ્ર સિંહે સોમવારે ભાજપ છોડવાની જાહેરાત કરી હતી. તેમની પૂર્વ ધારાસભ્ય પત્નીએ પણ ભાજપ છોડવાની જાહેરાત કરી છે. બિરેન્દ્ર સિંહે કહ્યું કે તેઓ મંગળવારે કોંગ્રેસમાં જોડાશે.

આના લગભગ એક મહિના પહેલા ચૌધરી બિરેન્દ્ર સિંહના પુત્ર બ્રિજેન્દ્ર સિંહ ભાજપ છોડીને વિપક્ષ કોંગ્રેસમાં જોડાયા હતા. બીરેન્દ્ર સિંહની પત્ની અને હરિયાણાના પૂર્વ બીજેપી ધારાસભ્ય પ્રેમ લતાએ પણ બીજેપી છોડી દીધી છે. પ્રેમ લતા 2014-2019 સુધી રાજ્યમાં ધારાસભ્ય હતા.