વર્ષના અંત સુધી તૈયાર થઈ શકે છે કોરોના વાયરસ વૈક્સીન, WHO પ્રમુખે કર્યુ એલાન

કોરોના વાયરસના વેક્સીન અંગે વર્લ્ડ હેલ્થ ઓર્ગેનાઇઝેશનના વડા ટેડ્રોસ અદનોમ  ઘેબીયસે વિશે મોટી જાહેરાત કરી છે. જિનીવામાં, તેમણે કહ્યું હતું કે આ વર્ષના અંત સુધીમાં કોરોના વાયરસ માટેની એક પ્રામાણિક રસી તૈયાર થઈ શકે છે. તેમણે રસી ઉપલબ્ધ થાય ત્યારે સમાન વિતરણની ચોક્સાઈ કરવા તમામ નેતાઓ વચ્ચે એકતા અને રાજનીતિક પ્રતિબદ્ધતા માટે હાકલ કરી છે.

આ વર્ષના અંત સુધી બની જશે વેક્સીન 

ટેડ્રોસે ડબ્લ્યુએચઓના એક્ઝિક્યુટિવ બોર્ડની બેઠકમાં કહ્યું કે આપણને વેક્સીનની જરૂર પડશે અને આશા છે કે આ વર્ષના અંત સુધીમાં આપણી પાસે એક વેક્સીન  આવી શકે છે.  આ બેઠકમાં ડબ્લ્યુએચઓ કોરોના વાયરસ રોગચાળાના વૈશ્વિક પ્રતિક્રિયાની તપાસ કરી રહી છે.

વિશ્વની 10 ટકા વસ્તીને કોરોના 

કોરોના વાયરસને લઈને સોમવારે ડબ્લ્યુએચઓની 34 સભ્યોની એક્ઝિક્યુટિવ બોર્ડની બેઠકમાં ડો.માઇકલ રિયાને કહ્યું કે શહેરી અને ગ્રામીણ વિસ્તારોમાં સંખ્યા બદલાઈ શકે છે. તેમણે સ્પષ્ટતા કરી કે આનો અર્થ એ નથી કે વિશ્વની મોટાભાગની વસ્તી જોખમમાં છે. તેમણે કહ્યું કે વિશ્વભરમાં દર 10 લોકોમાંથી એક વ્યક્તિ કોરોના વાયરસથી સંક્રમિત થઈ શકે છે.

આ વર્ષના અંત સુધી વેક્સીન બનાવી લેશે ફાઈઝર 

એક મોટી દવા નિર્માતા કંપની ફાઈઝર કંપનીને આશા છે કે આ વર્ષના ઓક્ટોબરની શરૂઆતમાં તેને રેગુલેટરી તરફથી મંજુરી મળશે અને વર્ષના અંત સુધી તે  કોવિડ-19 વેક્સીન બજારમાં લોંચ કરી દેશે.  ફાઈઝર તેના જર્મન ભાગીદાર બાયોનોટેકના સહયોગથી રસી બનાવી રહ્યું છે. તેણે 10 કરોડ ડોઝ આપવા માટે અમેરિકન સરકાર સાથે લગભગ 2 અબજ ડોલરના સોદા પર પણ હસ્તાક્ષર કર્યા છે.