બંગાળમાં ચણાની દાળને છોલાર દાળના નામથી ઓળખવામાં આવે છે. આ ખાવામાં ખૂબ જ સ્વાદિષ્ટ હોય છે અને તેને કોઈપણ ખાસ ઓકેશન પર બનાવવામાં આવે છે.
સામગ્રી - 1 વાડકી ચણાની દાળ(છોલાર દાલ)
1 આખા સૂકા લાલ મરચા
1 નાની ચમચી જીરુ
1 તજ
2 લવિંગ
2 ઈલાયચી
1 તમાલપત્ર
1 નાની ચમચી છીણેલુ આદુ
1 લીલુ મરચુ લાંબા ટુકડામાં કાપેલુ
ચપટી હળદર
નારિયળ (નાના ટુકડામાં કાપેલુ)
1 મોટી ચમચી ઘી
મીઠુ સ્વાદમુજબ
પાણી જરૂર મુજબ
બનાવવાની રીત - ચણાની દાળ બનાવવા માટે પહેલા મીડિયમ તાપ પર પ્રેશર કૂકરમાં ચણાની દાળ, પાણી, હળદર, મીઠુ નાખીને 7-8 સીટી આવવા દો અને તાપ બંધ કરી દો.
- બીજી બાજુ મીડિયમ તાપમાં એક કડાહીમાં તેલ ગરમ કરવા માટે મુકો
- તેલ ગરમ થતા જ જીરુ, સૂકા લાલ મરચા, તજ, લવિંગ, ઈલાયચી, તમાલપત્ર, નારિયળના ટુકડા અને છીણેલુ આદુ નાખીને સેકો.
- આદુને હલકુ ગોલ્ડન બ્રાઉન થતા જ બાફેલી દાળ, લીલા મરચા, મીઠુ અને થોડી ખાંડ મિક્સ કરો અને 2 મિનિટ સુધી ઉકળવા દો. આવુ કરવાથી દાળ બધા મસાલા સાથે સારી રીતે મિક્સ થઈ જશે.
- નક્કી સમય પછી ગેસ બંધ કરી દો. ચણાની દાળ તૈયાર છે.