થાઈલૅન્ડની નેવીનું કહેવું છે કે એક લડાયક જહાજ થાઈલૅન્ડની ખાડીમાં ડૂબી ગયું છે અને 31 નાવિકો લાપતા છે.
આ જહાજ પર 100થી વધુ સભ્યોવાળું ક્રૂ સવાર હતું અને 31 નાવિકો લાપતા છે.
રવિવાર રાત્રે એચટીએમએએસ સુખોતાઇ જહાજમાં પાવર કંટ્રોલ રૂમમાં પાણી ભરાઈ ગયું હતું, અધિકારીઓનું કહેવું છે કે ક્રૂના 75 સદસ્યોને બચાવવામાં આવ્યા છે અને 31 લોકો હજુ લાપતા છે.
થાઈલૅન્ડની નેવીના પ્રવક્તાનું કહેવું છે કે 12 કલાકથી વધુ સમય થઈ ગયો છે પરંતુ અમે લાપતા લોકોને શોધવાનું કામ ચાલુ રાખશું.
બચાવ ટીમો રાતભર લાપતા લોકોને શોધવાનું કામ કરતી રહી અને સોમવારે પણ ઑપરેશન ચાલુ હતું. નેવી અનુસાર આ દુર્ઘટનાનાં કારણોની તપાસ કરાશે.
નેવીના પ્રવક્તા એડમિરલ પોગક્રોંગ મોનથાર્ડપલિને બીબીસીને જણાવ્યું કે, " અમારા ઇતિહાસમાં ક્યારેય આવું બન્યું નથી, ખાસ કરીને એવા જહાજમાં જે અત્યારે સક્રિય છે."
અધિકારીઓનું કહેવું છે કે જહાજમાં પાણી ભરાઈ ગયા પછી તે ડૂબી ગયું, તેના પાવર રૂપમાં શૉર્ટ સર્કિટ થયું હતું. વીજળી ન હોવાને કારણે ક્રૂને જહાજનું નિયંત્રણ ફરી મેળવવામાં મુશ્કેલી થઈ હતી.