WhatsApp એક મોટું અપડેટ લાવવા માટે તૈયાર છે. મેટાની કંપની લિન્ક્ડ ડિવાઈસ માટે એક ફીચર લાવી રહી છે, જેનાથી યુઝર્સ પોતાને મેસેજ કરી શકશે. WABetaInfo દ્વારા શેર કરવામાં આવેલ સ્ક્રીનશોટ બતાવે છે કે જ્યારે યુઝર્સ WhatsApp ડેસ્કટોપ બીટા એપમાં કોન્ટેક્ટ સર્ચ કરશે, ત્યારે તેમને તેમનો નંબર સૌથી ઉપર દેખાશે.
એકવાર અપડેટ સ્થિર વર્ઝન પર રિલીઝ થઈ જાય, પછી વપરાશકર્તાઓ અન્ય કોઈપણ મોબાઇલ ઉપકરણથી WhatsAppમાં લૉગ ઇન કરતી વખતે તેમનો નંબર જોઈ શકશે. એવું માનવામાં આવે છે કે આ ફીચર એન્ડ્રોઇડ અને iOS બંને વર્ઝન માટે આપવામાં આવશે.
આ સિવાય WhatsApp એક નવા વિભાગ 'રિપોર્ટ બગ્સ' પર પણ કામ કરી રહ્યું છે, જે એપના સેટિંગમાં દેખાશે. WhatsApp પાસે હાલમાં 'અમારો સંપર્ક કરો' વિકલ્પ છે જે વપરાશકર્તાઓને એપ્લિકેશન સાથે કોઈપણ સમસ્યાની જાણ કરવાની મંજૂરી આપે છે.
આટલું જ નહીં, ગયા અઠવાડિયે WB દ્વારા શેર કરવામાં આવેલા સ્ક્રીનશોટમાં જોવા મળ્યું હતું કે ગ્રુપ ઇન્ફો ડિઝાઇનમાં ફેરફાર થવાનો છે. ફોટો જોઈએ તો પહેલાની અને હવેની ડિઝાઈનમાં કેટલો તફાવત છે. વપરાશકર્તાઓને આ ફેરફાર નવીનતમ બીટા અપડેટમાં મળશે, જ્યાં 'ગ્રુપ એડમિન' સૂચક હવે ડાર્ક હાઇલાઇટ્સમાં દેખાશે.