Adani Group Shares : ગૌતમ અદાણીનુ જોરદાર કમબેક, 1 ને છોડીને ગ્રુપના બધા શેરમાં તેજી, રોકાણકારોએ શરૂ કરી ખરીદી

Adani Group Shares : અદાણી ગ્રુપના શેરમાં ગુરૂવારે જોરદાર ઉછાળો નોંધવામાં આવ્યો હતો. ગૌતમ અદાણી પર અમેરિકામાં લાગેલા આરોપો પછી ગ્રુપના શેર 20% તૂટી ગયા હતા.  પરંતુ હવે અદાણી ગ્રુપના શેરમાં તેજી જોવા મળે રહી છે.  ગ્રુપની અનેક કંપનીઓના શેરમાં સારી એવી ખરીદી થઈ છે.  ઉલ્લેખનીય છે કે ગૌતમ અદાણી પર અમેરિકી અભિયોજકોએ ભારતમાં સોલર પાવર  કૉન્ટ્રેક્ટ મેળવવા માટે અનુકૂળ શરતોના બદલે ભારતીય અધિકારીઓને 25 કરોડ ડોલરની લાંચ આપવાનો આરોપ લગાવ્યો છે.  યુએસ પ્રોસિક્યુટર્સે આ આરોપો અદાણી અને તેમના ભત્રીજા સાગર અદાણી અને અન્યો સામે લગાવ્યા છે. જોકે, અદાણી ગ્રુપે આ આરોપોને સંપૂર્ણપણે ફગાવી દીધા છે. ચાલો જાણીએ કે આજે અદાણીના શેરની શું હાલત છે.

અદાણી એન્ટરપ્રાઇઝ

અદાણી એન્ટરપ્રાઈઝનો શેર શરૂઆતના વેપારમાં 4.26 ટકાના વધારા સાથે રૂ. 2275 પર ટ્રેડ થતો જોવા મળ્યો હતો. શરૂઆતના વેપારમાં તે મહત્તમ રૂ. 2276 સુધી ગયો હતો.

અંબુજા સિમેન્ટ

અંબુજા સિમેન્ટના શેરમાં મોટો ઉછાળો જોવા મળ્યો હતો. શરૂઆતી કારોબારમાં 5.49 ટકાના વધારા સાથે શેર રૂ. 510.30 પર ટ્રેડ થતો જોવા મળ્યો હતો.

અદાણી ટોટલ

અદાણી ટોટલનો શેર શરૂઆતના વેપારમાં 3 ટકાના વધારા સાથે રૂ. 620 પર ટ્રેડ થતો જોવા મળ્યો હતો.

અદાણી ગ્રીન એનર્જી

અદાણી ગ્રીન એનર્જીનો શેર ગઈકાલના બંધ રૂ. 1146.40ના ઘટાડા સાથે આજે રૂ. 1060.05 પર ખૂલ્યો હતો. જોકે, શરૂઆતના ટ્રેડિંગમાં તેમાં વધારો જોવા મળ્યો હતો અને તે રૂ. 1219.70 પર પહોંચી ગયો હતો. BSE પર સવારે 11:34 વાગ્યે આ શેર 5.64 ટકાના વધારા સાથે રૂ. 1211 પર ટ્રેડ થતો જોવા મળ્યો હતો.

અદાણી પોર્ટ્સ

અદાણી પોર્ટ્સનો શેર શરૂઆતના કારોબારમાં 0.92 ટકાના વધારા સાથે રૂ. 1125 પર ટ્રેડ થતો જોવા મળ્યો હતો. આ શેર ગઈકાલના રૂ. 1114.70ના બંધની સરખામણીએ આજે ​​રૂ. 1055.40 પર ખૂલ્યો હતો. શરૂઆતના કારોબારમાં તે મહત્તમ રૂ. 1131.90 સુધી પહોંચી ગયો હતો.

અદાણી પાવર

અદાણી પાવરનો શેર શરૂઆતના વેપારમાં 1.30 ટકાના વધારા સાથે રૂ. 482.35 પર ટ્રેડ થતો જોવા મળ્યો હતો. શરૂઆતના વેપારમાં તે મહત્તમ રૂ. 483.95 પર પહોંચ્યો હતો.

અદાણી વિલ્મર

અદાણી વિલ્મરનો શેર શરૂઆતના કારોબારમાં 0.53 ટકાના વધારા સાથે રૂ. 296 પર ટ્રેડ થતો જોવા મળ્યો હતો.

અદાણી એનર્જી

અદાણી એનર્જીના શેરમાં આજે ઘટાડો જોવા મળ્યો છે. શરૂઆતી કારોબારમાં 1.31 ટકાના ઘટાડા સાથે શેર રૂ. 688.55 પર ટ્રેડ થતો જોવા મળ્યો હતો. શરૂઆતના વેપારમાં તે મહત્તમ રૂ. 695 અને લઘુત્તમ રૂ. 628 સુધી પહોંચ્યો હતો.

એનડીટીવી

NDTVનો શેર શરૂઆતના વેપારમાં 1.49 ટકાના વધારા સાથે રૂ. 170.75 પર ટ્રેડ થતો જોવા મળ્યો હતો.