Jivantika vrat - જીવંતિકા વ્રત કર્યા પછી આ કામ કરવાથી જ પૂજાનો પૂર્ણ ફળ મળે છે

શ્રાવણ માસના પ્રથમ શુક્રવારથી આ વ્રતની શરૂઆત થાય કે કરાય છે. જો પ્રથમ શુક્રવારે ન થઈ શકે તો બીજા શુક્રવારથી પણ શરૂ કરી શકાય છે. પ્રાત:કાળે ઉઠીને સ્નાન વિધિથી પરવારી માની તસવીર સામે પાંચ દીવેટનો ઘીનો દીવો કરવો, અબીલ, ગુલાલ અને પુષ્પોથી પૂજા કરવી. સ્તુતિ-પ્રાર્થના કરીને કથા સાંભળવી. કથા પૂર્ણ થયા પછી માતાની આરતી કરવી આ છે માતા જીવંતિકાની આરતી. 

જય જીવન્તિકા માતા (2) 

ભક્તજનો ગુણ ગાતા (2) તમે સંતતિ સુખ દાતા. 

ૐ જય જીવન્તિકા માતા

શ્રાવણ કેરા શુક્રવારે, કરી દર્શન તુજ દ્વારે, (2) 

રક્તાંબર ધરી અંગે (2) માડી તારું વ્રત ધારે

ૐ જય જીવન્તિકા માતા

મધ રાતે કરી ચોકી, વિધાતાને તે રોકી, (2) 

લેખ વિધિના બદલાવ્યા (2) કૃપા કરી મોટી. 

ૐ જય જીવન્તિકા માતા

વ્રત પ્રતાપે તારા, ગોરાણી પુત્ર પામી (2)

મા ને દિકરો મળીયા (૨) ના રહી કોઈ ખામી. 

ૐ જય જીવન્તિકા માતા

વંઝાને ઘર ઝુલે પારણું, જીવન્તિકા મા એવા, (2)

વ્રત કરતાં માડી તારું (2) મહેણું ન દે રહેવા.

ૐ જય જીવન્તિકા માતા

જીવન્તિકા માની આરતી, જે કોઈ કરશે (2)

મનવાંચ્છિત ફળ આપી (2) માડી દુઃખ હરશે. 

ૐ જય જીવન્તિકા માતા