IND vs BAN: ઇશાન કિશને ત્રીજી વનડેમાં ધમાકેદાર બેટ વડે બાંગ્લાદેશ સામેની પ્રથમ બે મેચમાં ભારતના ખરાબ બેટિંગ પ્રદર્શનનો બદલો લીધો હતો. તેની માત્ર 10મી ODIમાં, 24 વર્ષીય યુવા બેટ્સમેને બાંગ્લાદેશના બોલિંગ આક્રમણને તોડી નાખ્યું. તેમણે પોતાની પ્રથમ આંતરરાષ્ટ્રીય સદી 85 બોલમાં પૂરી કરી હતી. આ પછી પણ તે અટક્યો નહીં અને એક પછી એક તેણે તમામ બાંગ્લાદેશી બોલરોને જોરદાર રીતે ફટકાર્યા. તેણે 126 બોલમાં પોતાની બેવડી સદી પૂરી કરી અને ઈતિહાસ રચ્યો.
તમને જણાવી દઈએ કે આજની મેચમાં ઈજાગ્રસ્ત કેપ્ટન રોહિત શર્માની જગ્યાએ તેને ટીમમાં સામેલ કરવામાં આવ્યો હતો. શિખર ધવન ફરી એકવાર ફ્લોપ રહ્યો અને સતત ત્રીજી વખત આ શ્રેણીમાં નિષ્ફળ રહ્યો. બીજી તરફ ઈશાન કિશન અટક્યો ન હતો અને ODI ક્રિકેટમાં બેવડી સદી ફટકારનાર 7મો બેટ્સમેન બન્યો હતો. તેણે ક્રિસ ગેલનો રેકોર્ડ પણ તોડી નાખ્યો અને વિશ્વમાં સૌથી ઝડપી બેવડી સદી ફટકારનાર ખેલાડી બની ગયો. ક્રિસ ગેલે 2015માં 138 બોલમાં આ કારનામું કર્યું હતું. તે જ સમયે, કિશને 131 બોલમાં 210 રનની શાનદાર ઇનિંગ રમી હતી. કિશને આ ઇનિંગમાં 24 ફોર અને 10 સિક્સર ફટકારી હતી.