AFG vs AUS: અફગામ્નિસ્તાને જીત્યો ટોસ, ઓસ્ટ્રેલિયા કરશે પહેલા બોલિંગ

ICC ચેમ્પિયન્સ ટ્રોફી 2025 ની 10મી મેચમાં અફઘાનિસ્તાન અને ઓસ્ટ્રેલિયા એકબીજા સામે ટકરાઈ રહ્યા છે. આ મેચ લાહોરના ગદ્દાફી સ્ટેડિયમમાં રમાઈ રહી છે. અફઘાનિસ્તાને પોતાની છેલ્લી મેચમાં ઈંગ્લેન્ડ જેવી મજબૂત ટીમને હરાવી હતી અને હવે તેમનું ધ્યાન ઓસ્ટ્રેલિયાને હરાવવા અને સેમિફાઇનલમાં પોતાનું સ્થાન સુરક્ષિત કરવા પર રહેશે. ઓસ્ટ્રેલિયા આ મેચ જીતીને સીધા સેમિફાઇનલમાં પહોંચવા માંગશે. આવી સ્થિતિમાં, આજની મેચ ખૂબ જ રોમાંચક બનવાની અપેક્ષા છે. પોઈન્ટ ટેબલમાં, અફઘાનિસ્તાનની ટીમ બે મેચમાં બે પોઈન્ટ સાથે ત્રીજા સ્થાને છે. બીજી તરફ, ઓસ્ટ્રેલિયા બે મેચમાં ત્રણ પોઈન્ટ સાથે પોઈન્ટ ટેબલ પર બીજા સ્થાને છે.

મેચ વિશે વાત કરીએ તો, અફઘાનિસ્તાનના કેપ્ટન હસમતુલ્લાહ શાહિદીએ ટોસ જીતીને બેટિંગ કરવાનો નિર્ણય લીધો. ઓસ્ટ્રેલિયા હવે પહેલા બોલિંગ કરીને અફઘાનિસ્તાનની ટીમને શક્ય તેટલી વહેલી તકે આઉટ કરવા માંગશે. આ મેચ માટે બંને ટીમોની પ્લેઇંગ ઇલેવનમાં કોઈ ફેરફાર કરવામાં આવ્યો નથી.

AFG vs AUS: બંને ટીમોની પ્લેઇંગ XI

અફઘાનિસ્તાન: રહેમાનુલ્લાહ ગુરબાઝ (વિકેટકીપર), ઇબ્રાહિમ ઝદરાન, સેદીકુલ્લાહ અટલ, રહેમત શાહ, હશમતુલ્લાહ શાહિદી (કેપ્ટન), અઝમતુલ્લાહ ઉમરઝાઈ, મોહમ્મદ નબી, ગુલબદીન નાયબ, રાશિદ ખાન, નૂર અહમદ, ફઝલહક ફારૂકી

ઓસ્ટ્રેલિયા: મેથ્યુ શોર્ટ, ટ્રેવિસ હેડ, સ્ટીવ સ્મિથ (કેપ્ટન), માર્નસ લાબુશેન, જોશ ઇંગ્લિસ, એલેક્સ કેરી (વિકેટકીપર), ગ્લેન મેક્સવેલ, બેન દ્વારશુઇસ, નાથન એલિસ, એડમ ઝામ્પા, સ્પેન્સર જોહ્ન્સન