અજય દેવગનની ફિલ્મનું બદલાયું નામ

બોલિવૂડ એક્ટર અજય દેવગણે ગત દિવસે ઈન્સ્ટાગ્રામ પર એક પોસ્ટર શેર કરીને ચાહકોને વિચારમાં મૂકી દીધા હતા. જોકે, હવે તેઓએ તેના પરથી પડદો ઉઠાવી લીધો છે. અજય દેવગન, અમિતાભ બચ્ચન અને રકુલ પ્રીત સિંહ સ્ટારર ફિલ્મ મેડેનું નામ હવે બદલીને 'રનવે 34' કરવામાં આવ્યું છે. 

ફિલ્મનો ફર્સ્ટ લુક અને રિલીઝ ડેટ પણ જાહેર કરવામાં આવી છે. અજય દેવગને ઈન્સ્ટાગ્રામ પર ત્રણ પોસ્ટર શેર કર્યા છે, આ પોસ્ટની સાથે પાત્ર વિશે એક લાઈન પણ લખવામાં આવી છે.

અજય દેવગન ઘણા સમયથી મેડે ફિલ્મને લઈને ચર્ચામાં હતો. જોકે, ફિલ્મ વિશે કોઈ નક્કર માહિતી સામે આવી નથી. પરંતુ હવે માત્ર ફિલ્મની મુખ્ય કલાકારો જ નહીં પરંતુ ફિલ્મનું નામ પણ બદલાઈ ગયું છે. 

8 વર્ષ બાદ નજરે પડશે અજય-અમિતાભની જોડી

રનવે મૂવીમાં અજય દેવગણ અને અમિતાભ બચ્ચને પૂરા 8 વર્ષ પછી સાથે કામ કર્યુ છે. સાથે જ રકુલ પ્રીત સિંહ પણ બંને સાથે પોતાની એક્ટિંગ કરશે. રોસ્ટ માટે યૂટ્યૂબથી પ્રખ્યાત થયેલી કૈરી મિનાતી પણ રનવેમાં નજરે પડશે. અજય દેવગણની આ ફિલ્મ 29 એપ્રિલ 2022ના દિવસે રિલીઝ થશે