સુબેદાર જોગીન્દરસિંહની બાયોપિક ફિલ્મનું પ્રથમ ગીત જબરદસ્ત વાયરલ થયું

પરમવીર ચક્ર વિજેતા સુબેદાર જોગીન્દરસિંહના જીવન પર આધારિત ફિલ્મનું પ્રથમ ગીત સોશિયલ મીડિયા પર જોરદાર ધૂમ મચાવી રહ્યું છે. આજે આ ફિલ્મનું પ્રથમ ગીત રિલીઝ કરવામાં આવ્યું હતું. આ ફિલ્મના ગીતને ગિપ્પી ગરેવાલ, કુલવિંદર બિલ્લા, રાજવીર જવન્દા, શરણ માનના અભિનય પર ફિલ્માવવામાં આવ્યું છે. આ ગીતને કુલવિંદર બિલ્લાએ લખ્યું છે. તેઓ આ ફિલ્મથી અભિનય ક્ષેત્રે પદાર્પણ કરવા જઈ રહ્યાં છે. 

ગલ દીલ દી આ ગીત એક સાથે વિવિધ ભાવનાઓનું સંકલન છે. તે દર્શકોની લાગણીઓને નજીકથી જોડી લેશે. તે સીમા પર દેશની પહેરેદારી કરતાં સૈનિકોના જીવનને દર્શકો સામે મુકે છે. આ ગીતને સૈનિકોના ઉલ્લાસના રૂપમાં દર્શાવવામાં આવ્યું છે. સુબેદાર જોગીન્દરસિંહના જીવન પર આધારિત આ ફિલ્મ આગામી 6 એપ્રિલે વિશ્વ ભરમાં રિલીઝ થશે.