બ્રાહ્મણ પર હું ...' વિવાદાસ્પદ નિવેદન આપવા બદલ અનુરાગ કશ્યપ મુશ્કેલીમાં, હવે માંગી માફી, કહ્યું- 'દીકરી અને પરિવાર...'

પ્રતિક ગાંધી અને પત્રલેખા સ્ટારર ફિલ્મ 'ફૂલે' જ્યારથી ટ્રેલર રિલીઝ થયું છે ત્યારથી વિવાદોમાં છે. સમાજ સુધારક જોડી જ્યોતિબા ફૂલે અને સાવિત્રીબાઈ ફૂલેના જીવન પર આધારિત આ ફિલ્મ, બ્રાહ્મણ સમુદાય દ્વારા વાંધો ઉઠાવ્યા બાદ તેની રિલીઝ મુલતવી રાખવામાં આવી છે. આ ફિલ્મ પર જાતિવાદ ફેલાવવાનો આરોપ લગાવવામાં આવી રહ્યો છે. અનુરાગ કશ્યપે સેન્સર બોર્ડ ઓફ સર્ટિફિકેશન (CBFC) દ્વારા ફિલ્મની રિલીઝ પર પ્રતિબંધ અને બ્રાહ્મણ સમુદાય દ્વારા ફિલ્મ સામે વ્યક્ત કરાયેલા વાંધાને લઈને એક પોસ્ટ લખી હતી, જેનાથી એક નવો વિવાદ સર્જાયો હતો.

બ્રાહ્મણો પર આપત્તિજનક ટીપ્પણી 

અનુરાગ કશ્યપે પોતાની પોસ્ટમાં બ્રાહ્મણ સમુદાય પર પ્રહારો કર્યા અને વિવાદાસ્પદ નિવેદન આપીને પોતાનો ગુસ્સો વ્યક્ત કર્યો. જ્યારે યુઝર્સે તેમની પોસ્ટ પર નારાજગી વ્યક્ત કરવાનું શરૂ કર્યું, ત્યારે તેમણે 'બ્રાહ્મણો પર પેશાબ કરવા' વિશે પણ વાત કરી. દિગ્દર્શકની આ ટિપ્પણી પછી વિવાદ વધુ ઘેરો બન્યો. આવી સ્થિતિમાં, હવે તેમણે માફી માંગી છે અને આ માટે સ્પષ્ટતા આપી છે. અનુરાગ કશ્યપે ઇન્સ્ટાગ્રામ પર એક નવી પોસ્ટ શેર કરી છે, જેમાં તેમણે પોતાના નિવેદન પર પોતાનો પક્ષ રાખ્યો છે. પરંતુ માફી માંગતી વખતે પણ તે બ્રાહ્મણોને નિશાન બનાવવાનું ભૂલ્યો નથી.

અનુરાગ કશ્યપે આ વાતો લખી

અનુરાગ કશ્યપે પોતાની પોસ્ટમાં લખ્યું- 'આ મારી માફી છે, મારી પોસ્ટ માટે નહીં પણ તે એક લાઇન માટે જે સંદર્ભની બહાર લેવામાં આવી હતી અને જે નફરત પેદા કરી રહી છે.' કોઈપણ વાણી કે ભાષણ તેના લાયક નથી કે તમારી પુત્રી, પરિવાર, મિત્રો અને સહકાર્યકરોને સંપ્રદાયના નેતાઓ તરફથી બળાત્કાર અને મૃત્યુની ધમકીઓ મળે .

મહિલાઓને દૂર રાખો   - અનુરાગ કશ્યપ

'તો જે કહેવામાં આવ્યું છે તે પાછું લઈ શકાતું નથી અને હું  લઉં પણ નહીં,  તમે ગમે તેટલી મને ગાળો આપી શકો છો, પણ મારા પરિવારે ન તો કંઈ કહ્યું છે અને ન તો તેઓ કંઈ કહેશે.' તો જો મારા તરફથી માફી જ જોઈએ છે, તો હું માફી માંગુ છું,  બ્રાહ્મણો, સ્ત્રીઓને દૂર રાખો, આટલા સંસ્કાર તો શાસ્ત્રોમાં પણ છે, ફક્ત મનુવાદમાં જ નથી. તમે કયા પ્રકારના બ્રાહ્મણ છો તે નક્કી કરો. નહિંતર, મારા તરફથી માફી.

શું  છે મામલો?

ઉલ્લેખનિય છે કે  આ આખો મામલો 'ફૂલે' ફિલ્મના ટ્રેલરના રિલીઝ સાથે શરૂ થયો હતો. દિગ્દર્શક અનંત મહાદેવનની આ ફિલ્મ 'જ્યોતિબા ફૂલે'ના જીવનની વાર્તા કહે છે. જ્યોતિબા ફૂલે એક સમાજ સુધારક હતા જેમણે 19મી સદીમાં કન્યા શિક્ષણ પર ભાર મૂક્યો હતો. તાજેતરમાં જ તેમના જીવન પર આધારિત ફિલ્મ 'ફૂલે'નું ટ્રેલર રિલીઝ થયું હતું. આનો વિરોધ પણ જોવા મળ્યો. ફિલ્મ રિલીઝ થાય તે પહેલાં જ મહારાષ્ટ્રના બ્રાહ્મણ સમુદાયે નારાજગી વ્યક્ત કરી હતી. જે બાદ ફિલ્મની રિલીઝ તારીખ મુલતવી રાખવી પડી. બ્રાહ્મણોનો આરોપ છે કે પાત્રોને ખોટી રીતે દર્શાવવામાં આવ્યા છે. આવી સ્થિતિમાં, જ્યારે ફિલ્મની રિલીઝ તારીખ મુલતવી રાખવામાં આવી, ત્યારે અનુરાગ કશ્યપ ગુસ્સે થયા અને તેમણે સોશિયલ મીડિયા પર પોતાનો ગુસ્સો વ્યક્ત કર્યો.