PBKS vs LSG IPL 2023: પંજાબ કિંગ્સ અને લખનૌ સુપર જાયન્ટ્સ વચ્ચે IPL 2023ની 38મી મેચ રમાઈ. બંને ટીમો પાસે સ્ટાર ખેલાડીઓની ફોજ છે. પંજાબ કિંગ્સની કમાન શિખર ધવનના હાથમાં છે, પરંતુ છેલ્લી કેટલીક મેચોથી તેના સ્થાને સેમ કરન કેપ્ટનશિપ સંભાળી રહ્યો છે. કેએલ રાહુલ લખનૌ સુપર જાયન્ટ્સનો કેપ્ટન છે.
<
That's that from Match 38 of #TATAIPL@LucknowIPL win by 56 runs and add two more points to their tally.
પંજાબ કિંગ્સ સામે લખનૌ સુપર જાયન્ટ્સના બેટ્સમેનોએ ધમાકેદાર દેખાવ કર્યો હતો. લખનૌની શરૂઆત સારી રહી ન હતી જ્યારે કેએલ રાહુલ માત્ર 9 બોલમાં 12 રન બનાવીને આઉટ થયો હતો. આ પછી કાયલ મેયર્સ અને આયુષ બદોનીએ ઝડપી બેટિંગ કરી હતી. તેમણે મેદાનમાં ચારે બાજુ સ્ટ્રોક માર્યા.
મેયર્સે 24 બોલમાં 54 રન બનાવ્યા હતા. બદોનીએ 24 બોલમાં 43 રન બનાવ્યા હતા. આ પછી, માર્કસ સ્ટોઇનિસે ધમાકેદાર પ્રદર્શન કર્યું. તેણે પોતાની વિસ્ફોટક બેટિંગથી બધાના દિલ જીતી લીધા હતા. તેણે 40 બોલમાં 72 રન બનાવ્યા હતા. આ પછી નિકોલસ પૂરને 19 બોલમાં 45 રન બનાવ્યા. આ બેટ્સમેનોની મદદથી લખનૌની ટીમે 5 વિકેટના નુકસાન પર 257 રન બનાવ્યા હતા. આઈપીએલના ઈતિહાસમાં કોઈપણ ટીમનો આ સર્વશ્રેષ્ઠ સ્કોર છે.
પંજાબ કિંગ્સ તરફથી કોઈ બોલર શાનદાર પ્રદર્શન કરી શક્યો નહોતો. અર્શદીપ સિંહ અને કાગીસો રબાડાએ ઘણા રન લૂટી લીધા હતા. અર્શદીપે 54 અને રબાડાએ 52 રન આપ્યા હતા. અર્શદીપ, લિયામ લિવિંગસ્ટોન, સેમ કરણને 1-1 વિકેટ મળી હતી.
આઈપીએલ 2023માં આવું રહ્યું પ્રદર્શન
IPL 2023માં પંજાબ કિંગ્સની ટીમે અત્યાર સુધી 7માંથી 4 મેચ જીતી છે અને 3માં હારનો સામનો કરવો પડ્યો છે. તે જ સમયે, લખનૌ સુપર જાયન્ટ્સની ટીમ IPL 2023માં અત્યાર સુધીમાં 7 મેચ જીતી ચુકી છે અને ત્રણ મેચમાં હારનો સામનો કરવો પડ્યો છે. પરંતુ લખનૌની ટીમનો રન રેટ પંજાબ કરતા વધુ છે. લખનૌની ટીમ પોઈન્ટ ટેબલમાં ચોથા સ્થાને છે. તે જ સમયે, પંજાબ કિંગ્સની ટીમ છઠ્ઠા સ્થાન પર છે.
બંને ટીમોએ એક-એક મેચ જીતી છે
પંજાબ કિંગ્સ અને લખનૌ સુપર જાયન્ટ્સ વચ્ચે આઈપીએલમાં અત્યાર સુધીમાં 2 મેચ રમાઈ છે, જેમાંથી પંજાબ કિંગ્સે એક મેચ જીતી છે અને લખનૌની ટીમે એક મેચ જીતી છે.