Gujarat assembly election 2022- ગોપાલ ઈટાલિયા સુરતના કતારગામથી ચૂંટણી લડશે

Gujarat assembly election 2022- આમ આદમી પાર્ટીના ગુજરાતના પ્રદેશ અધ્યક્ષ ગોપાલ ઇટાલિયા સુરતની કતારગામ બેઠકથી ચૂંટણી લડશે.

દિલ્હીના મુખ્ય મંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલે ટ્વિટ કરીને ગોપાલ ઇટાલિયા કતારગામથી ચૂંટણી લડશે તેવી જાહેરાત કરી હતી.

પાટીદાર અનામત આંદોલન સમિતિના નેતા અને તાજેતરમાં જ આમ આદમી પાર્ટીમાં જોડાયેલા અલ્પેશ કથીરિયા પણ સુરતની વરાછા બેઠક પરથી ચૂંટણી લડશે. હવે ગોપાલ ઇટાલિયા પણ સુરતની કતારગામ બેઠક પરથી ચૂંટણી લડશે. એટલે કે આપના મોટા નેતાઓ સુરતમાંથી ચૂંટણી લડવા જઈ રહ્યા છે.

ગુજરાતમાં આમ આદમી પાર્ટીએ સૌથી પહેલાં ગુજરાત વિધાનસભાની ચૂંટણી માટે તેમના ઉમેદવારોનું લિસ્ટ જાહેર કર્યું હતું. અત્યાર સુધીમાં આપ ગુજરાતમાં લગભગ 150થી વધારે ઉમેદવારોનાં નામ જાહેર કરી ચૂકી છે.