દિલ્હીકૅપિટલ્સેધૂંઆધારબૅટ્સમૅનઋષભપંતનીતોફાનીઇનિંગનીમદદથીમુંબઈઇન્ડિયન્સનેપોતાનાપ્રથમમુકબલામાંજ 37 રનેહરાવીદીધું. પંતે માત્ર 27 દડામાં અણનમ 78 રન બનાવ્યા. તેમનો દાવ સાત ચોગ્ગા અને સાત છગ્ગાથી સજ્યો.
આ જ ઇનિંગની મદદથી દિલ્હીએ મુંબઈ ઇન્ડિયન્સ સામે જીતવા માટે 214 રનનું લક્ષ્ય મૂક્યું. જેના જવાબમાં મુંબઈની ટીમ 19.2 ઓવરમાં 176 રન પર ઑલ આઉટ થઈ ગઈ. મુંબઈ માટે અનુભવી બૅટ્સમૅન યુવરાજસિંહ 53 રન કર્યા પણ પોતાની ટીમને જીતાવી ના શક્યા.
આ પહેલાં મુંબઈને ટૉસ જીતતા દિલ્હીને બૅટિંગ માટે નોતરી. દિલ્હીની શરૂઆત સારી ના રહી અને પૃથ્વી શૉ માત્ર સાત રન બનાવીને જ ચાલતા થયા. જોકે, શિખર ધવને 43 રન અને કૉલિન ઇનગ્રામે 47 રન બનાવી સન્માનજનક સ્કોરનો પાય નાખ્યો.
એ બાદ ઋષભ પંતે તોફાની દાવ રમતા દિલ્હીને 20 ઓવરમાં 6 વિકેટ સાથે 213 પર પહોંચાડી દીધું. 214 રનના લક્ષ્યનો પીછો કરવા ઊતરેલી મુંબઈની ટીમની શરૂઆત પણ સારી ના રહી. કૅપ્ટન રોહિત શર્મા 14 અને ડિકૉક 27 રન બનાવીને આઉટ થઈ ગયા.
પૉલાર્ડે 21 અને કૃણાલ પંડ્યાએ 32 રન બનાવ્યા. જોકે, મુંબઈની ટીમ 176 રન પર જ આઉટ થઈ ગઈ.