Makar Sankranti 2022 : સુખ સૌભાગ્યની પ્રાપ્તિ માટે મકર સંક્રાતિ પર દાન સહિત જરૂર કરવા જોઈએ આ 5 કાર્ય

નવા વર્ષના પ્રથમ મહિનામાં એટલે કે જાન્યુઆરીમાં મકરસંક્રાંતિ સાથે મોટા તહેવારોની શરૂઆત થાય છે. મકરસંક્રાંતિનો તહેવાર 14 જાન્યુઆરી 2022ના રોજ ઉજવવામાં આવશે. મકરસંક્રાંતિનો તહેવાર માત્ર ઉત્તર ભારતમાં જ નહીં પરંતુ દક્ષિણના ભાગો સહિત વિવિધ રાજ્યોમાં અલગ-અલગ નામથી ઉજવવામાં આવે છે. આ  તહેવાર પર, સૂર્ય ભગવાન, જે આપણને દરરોજ પ્રત્યક્ષ દર્શન આપે છે, તે ઉત્તરાયણ થાય છે. સૂર્યનો મકર રાશિથી મિથુન સુધીનો સમયગાળો ઉત્તરાયણ કાળ કહેવાય છે. ઉત્તરાયણને કારણે દિવસ લાંબો અને રાત ટૂંકી થાય છે. સનાતન પરંપરામાં ઉત્તરાયણ કાળમાં જન્મ લેવો જ નહીં, મૃત્યુ પામવું પણ શ્રેષ્ઠ માનવામાં આવે છે. આવો જાણીએ મકરસંક્રાંતિના મહાન તહેવારની પૂજાવિધિ અને આ દિવસે કરવાના ચોક્કસ ઉપાય વિશે

દાન કરવાથી તમામ દુ:ખ  થશે દૂર

મકરસંક્રાંતિના દિવસે દાનનું વિશેષ મહત્વ છે. આ દિવસે કોઈપણ મંદિરમાં જઈને તમારી ક્ષમતા અનુસાર ચોખા, ઘી, દહીં, લોટ, ગોળ, કાળા તલ, સફેદ તલ, લાલ મરચું, ખાંડ, બટાકા અને થોડા પૈસા દાન કરો. એવું માનવામાં આવે છે કે આ દિવસે આપવામાં આવેલ દાનથી જીવન સંબંધિત તમામ પરેશાનીઓ દૂર થઈ જાય છે.

મકરસંક્રાંતિ પર સમસ્યા મુજબ કરો દાન 

- મકરસંક્રાંતિના અવસર પર સૂર્ય સંબંધિત દોષોને દૂર કરવા માટે લાલ ચંદન, ઘી, લોટ, ગોળ, કાળા મરી વગેરેનું દાન કરો.

- ચંદ્ર ગ્રહ સાથે જોડાયેલા દોષોને દૂર કરવા ચોખાની સાથે કપૂર, ઘી, દૂધ, દહીં, સફેદ ચંદન વગેરેનું દાન કરો.

- મંગળના દોષને દૂર કરવા માટે ગોળ, મધ, મસૂરની દાળ, લાલ ચંદન વગેરેનું દાન કરો.

- બુધના દોષને દૂર કરવા માટે ચોખાની સાથે ધાણા, સાકર, સુકા તુલસીના પાન, મીઠાઈ, મૂંગ, મધનું દાન કરો.

- ગુરુ ગ્રહ સાથે જોડાયેલા દોષોને દૂર કરવા માટે મધ, હળદર, મસૂર, રસદાર ફળ, કેળા વગેરેનું દાન કરો.

- શુક્ર દોષ માટે સાકર, સફેદ તલ, જવ, ચોખા, બટાકા, અત્તર વગેરેનું દાન કરો.

- એવું માનવામાં આવે છે કે આ તહેવાર પર શનિદેવ તેમના પિતા સૂર્યદેવને મળવા આવે છે. આવી સ્થિતિમાં આ દિવસે સૂર્યદેવની સાથે શનિદેવની પૂજા અને ઉપાયોનું પણ મહત્વ બની જાય છે. જો તમારી કુંડળીમાં શનિદોષ હોય તો તેને દૂર કરવા માટે મકરસંક્રાંતિના દિવસે કાળા તલ, સફેદ તલ, સરસવનું તેલ અને આદુ સહિત અન્ય સામગ્રીનું દાન કરો.

મકરસંક્રાંતિ પર કરો આ પાંચ કાર્ય 

- મકરસંક્રાંતિ પર તલના તેલની માલિશ જરૂર કરવી જોઈએ.

- મકરસંક્રાંતિ પર તલનુ ઉબટન લગાવો. એવું માનવામાં આવે છે કે આ દિવસે તલનુ ઉબટન લગાવવાથી શરીર ક્રાંતિમય રહે છે અને વ્યક્તિત્વમાં નિખાર આવે છે.

- જો તમે કોઈ નદી કે તળાવ, તીર્થસ્થાન વગેરે પર ન જઈ શકો તો પાણીમાં ગંગાજળ ભેળવીને સ્નાન કરો.

- સુખ અને સૌભાગ્ય પ્રાપ્ત કરવા માટે અને શ્રીની પ્રાપ્તિ માટે પૂજા પછી તલનો હવન કરો.

- મકરસંક્રાંતિના દિવસે તલમાંથી બનેલી વસ્તુઓ ખાવ.