રાજ્યમાં વરસાદે કહેર વર્તાવ્યો! વલસાડમાં ચારેકોર પાણી-પાણી, કપરાડામાં અનરાધાર 11 ઈંચ ખાબક્યો

rain in valsad

ગુજરાતમાં વરસાદના ત્રીજો રાઉન્ડમાં સૌરાષ્ટ્રને સૌથી વધુ ઘમરોળ્યુ છે અને અનેક જગ્યાએ ધોધમાર વરસાદ વરસ્યો છે ત્યારે રાજ્યમાં છેલ્લા 24 કલાકમાં 130 તાલુકામાં વરસાદ નોંધાયો હતો. જેમાં વલસાડના કપરાડામાં સૌથી વધુ 11 ઈંચ વરસાદ ખાબક્યો છે.

rain in dwarka

દ્વારકાના ખંભાળિયામાં વરસાદે સટાસટી બોલાવી

સૌરાષ્ટ્રમાં છેલ્લા બે દિવસથી ભારે વરસાદ પડી રહ્યો છે જેમાં દ્વારકાના ખંભાળિયામાં વરસાદે સટાસટી બોલાવી હતી. દ્વારકાના ખંભાળિયામાં  9 ઈંચ વરસાદ નોંધાયો હતો. આ સિવાય વિસાવદરમાં 8 ઈંચ અને વલસાડના પારડીમાં 7 ઈંચ વરસાદ પડ્યો હતો. વાપીમાં નવો અન્ડરપાસ બંઘ કરાયો. વરસાદને કારણે જિલ્લાના 77 માર્ગો બંધ કરવામાં આવ્યા છે.

rain in dwarka

રાજ્યના 46 તાલુકામાં મેઘ મહેર જોવા

આજે સવારના 6 થી 8 વાગ્યા સુધીમાં રાજ્યના 46 તાલુકામાં મેઘ મહેર જોવા મળી છે. નવસારીના ખેરગામ ખાતે 4 ઈંચ કરતા વધુ વરસાદ પડ્યો હતો. વલસાડના ધરમપુર ખાતે બે ઈંચ, વાપી ખાતે પોણા બે ઈંચ વરસાદ નોંધાયો હતો. બાકીના તાલુકામાં સામાન્ય છૂટક વરસાદ જોવા મળ્યો છે.

rain in dwarka

આગામી 48 કલાક ભારે વરસાદની આગાહી 

રાજ્યમાં હજુ પણ વરસાદ ભારે આગાહી કરવામાં આવી છે જેમા 48 કલાક ભારેથી અતિભારે વરસાદ પડી શકે છે. આ સાથે જ આજે રાજ્યના ત્રણ જિલ્લાઓમાં રેડ એલર્ટ આપવામાં આવ્યુ છે જેમાં ભાવનગર, વલસાડ અને દમણનો સમાવેશ થાય છે. આ સિવાય બનાસકાંઠા, સાબરકાંઠા અને અમદાવાદમાં ઓરેન્જ એલર્ટ તેમજ રાજકોટ, બોટાદ, સુરેન્દ્રનગરમાં યલો એલર્ટ જાહેર કરવામાં આવ્યુ છે. હવામાન વિભાગે દ્વારકા જિલ્લામાં પણ ભારે વરસાદની આગાહી કરી છે.

rain in dwarka

રાજ્યમાં સિઝનનો કુલ 59.11 ટકા વરસાદ

રાજ્યના સ્ટેટ ઇમરજન્સી ઓપરેશન સેન્ટર દ્વારા મળેલા અહેવાલો મુજબ 24 કલાક દરમિયાન કચ્છ ઝોનમાં સૌથી વધુ 112.42 ટકા, સૌરાષ્ટ્રમાં 83.30 ટકા, ઉત્તર ગુજરાતમાં 53.77 ટકા, દક્ષિણ ગુજરાતમાં 47.12 ટકા, પૂર્વ ગુજરાતમાં 47.12 ટકા વરસાદ વરસ્યો છે જ્યારે રાજ્યમાં સિઝનનો કુલ 59.11 ટકા વરસાદ વરસ્યો છે.