રાજ્યમાં બોર્ડની પરીક્ષાઓ ચાલી રહી છે. ધોરણ 10 અને 12 બોર્ડની પરીક્ષા શાંતિ પૂર્ણ માહોલમાં યોજાઇ રહી છે પરંતુ આ વખતે આ બોર્ડની પરીક્ષાનું પરિણામ મોડું આવી શકે છે.
મહત્વનું છે કે પડતર પ્રશ્નોનો નિકાલ ન થતા શૈક્ષિક સંઘોએ સાથે મળીને બોર્ડની પરીક્ષાના પેપર તપાસવા માટે ઇન્કાર કરી દીધો છે. જો સરકારે આગામી દિવસોમાં આ મુદ્દે કોઈ ઉકેલ નહી લાવે અને શૈક્ષિક સંઘો પોતાની વાત પર અડગ રહેશે તો મૂલ્યાંકન કામગીરી અટકી જશે જેની સીધી અસર પરિણામ પર જોવા મળશે..
