મોહન ભાગવત બોલ્યા - આપણે કંઈક મોટુ કરવુ પડશે, UP માં ગામડે-ગામડે જશે RSS, BJPથી નારાજગી વચ્ચે CM યોગી સાથે મુલાકાત

mohan bhagvat soical media

લોકસભા ચૂંટણીમાં  BJP સાથે નારાજગી વચ્ચે રાષ્ટ્રીય સ્વયં સેવક સંઘ  (RSS) પ્રમુખ મોહન ભાગવત પહેલીવાર 5 દિવસમાતે ગોરખપુરમાં છે. પ્રવાસના ત્રીજ દિવસે શુક્રવારે મોહન ભાગવતે કહ્યુ - શતાબ્દી વર્ષમાં આપણે કંઈક મોટુ કરવાનુ છે. દરેક ગામમાં શાખા લગાવવાની છે. દરેક વર્ગ, દરેક સમાજ અને દરેક ઘર્મના લોકો શાખા સાથે જોડાય જાય. 

સંઘ પ્રમુખ ભાગવતે સ્વય સેવકોને કહ્યુ - 2025 સુધી એવુ કોઈ ગામ ન બચે જ્યા RSS ન હોય. એટલે કે 2027માં થનારી વિધાનસભા ચૂંટણી પહેલા ભાગવત સંઘને વધુ મજબૂત કરવાનો રસ્તો બતાવી રહ્યા છે.  બીજી બાજુ મુખ્યમંત્રી યોગી આદિત્યનાથ પણ આજે સાંજે ગોરખપુર પહોચી રહ્યા છે. લોકસભા ચૂંટણીમાં UP ના પરિણામ આવ્યા પછી યોગી સાથે આ પહેલી મુલાકાત છે. આ મુલાકાતના અનેક મતલબ કાઢવામાં આવી રહ્યા છે. 

સૌથી પહેલા જાણો ગોરખપુરથી સંઘ પ્રમુખે શુ સંદેશ આપ્યો 

1- રાષ્ટ્રની ભાવનાને મજબૂત કરો, ભેદભાવ દૂર કરો  

મોહન ભાગવતે શતાબ્દી વર્ષમાં સંઘને ગામડાઓમાં  સુધી પહોચાડવાનુ આહ્વાન કર્યું હતું. તેમણે કહ્યું- 2025માં સંઘ તેના શતાબ્દી વર્ષમાં પ્રવેશ કરશે. આવી સ્થિતિમાં ભારતીય સંસ્કૃતિ અને તેના સભ્યતાના મૂલ્યોને જાળવી રાખવા માટે સંઘે દરેક ગામડા સુધી પહોંચવું પડશે. આપણે ભેદભાવ દૂર કરવાનો છે, આવતા વર્ષ સુધીમાં એવું કોઈ ગામ બાકી ના રહે કે જ્યાં સંઘ ન હોય. આપણે આપણી ભાષા અને વર્તનમાં સંયમ જાળવીને દરેક સુધી પહોંચવાનું છે.

2- આપણે શતાબ્દી વર્ષમા પહોચી રહ્યા છીએ, આપણે કંઈક મોટું કરવાનું છે

RSS ચીફે કહ્યું- રાષ્ટ્રીય સ્વયંસેવક સંઘની સ્થાપના 1925માં વિજયા-દશમીના દિવસે કરવામાં આવી હતી. તેની સ્થાપનાથી લઈને આજ સુધી સંઘે અનેક ઉતાર-ચઢાવનો અનુભવ કર્યો છે. સંઘે સમાજ અને રાષ્ટ્રની મજબૂતી માટે સતત કામ કર્યું. આવતા વર્ષે સંઘ તેની સ્થાપનાના 100 વર્ષ પૂર્ણ કરશે. શતાબ્દી વર્ષ સંઘ માટે ખૂબ જ મહત્વપૂર્ણ વર્ષ છે. શતાબ્દી વર્ષમાં આપણે બધા સ્વયંસેવકોની જવાબદારી સંઘના સર્વાંગી વિકાસની હોવી જોઈએ.

3- સંઘની નકારાત્મક છબી બનાવનારાઓથી સાવધ રહો

સંઘની સામાજિક ચિંતાઓ વિશે વિગતવાર ચર્ચા કરતા મોહન ભાગવતે કહ્યું – કોરોનાના સમયગાળા દરમિયાન સંઘના સ્વયંસેવકોએ તેમના જીવની પરવા કર્યા વિના પીડિત અને તેમના પરિવારોની મદદ કરી. જ્યારે પણ રાષ્ટ્ર પર કોઈ સંકટનો સામનો કરવો પડ્યો ત્યારે સ્વયંસેવકોએ તેનો હિંમતપૂર્વક સામનો કર્યો, પરંતુ કેટલાક લોકો સમાજમાં સંઘની નકારાત્મક છબી બનાવવાનો પ્રયાસ પણ કરે છે. એવા લોકોથી બચો જે તમારી સેવાની ભાવનાને બગાડે છે, તમારે તેમનાથી અંતર જાળવી રાખવું જોઈએ.

હવે જાણો સંઘ BJP થી નારાજ કેમ ?

1. UP મા ટિકિટની વહેચણી પર RSS સહમત નહી. 

યુપીએ ચૂંટણીમાં ભાજપને મોટો ફટકો આપ્યો છે. RSS ને ટિકિટ વિતરણ સમયે જ આ વાતનો અહેસાસ થયો હતો. સંઘે 10થી વધુ બેઠકો પર ઉમેદવારોને લઈને અસહમતિ વ્યક્ત કરી હતી. જેમાં પ્રતાપગઢ, શ્રાવસ્તી, કૌશામ્બી, રાયબરેલી અને કાનપુર જેવી સીટો સામેલ છે. કાનપુર ઉપરાંત તમામ બેઠકો પર ભાજપના ઉમેદવારો હારી ગયા હતા.

2. ચૂંટણી મુદ્દાઓને કર્યા ઈગ્નોર 

RSS એ ભાજપને મુદ્દાઓની એક લિસ્ટ સોંપી હતી. જેમા કહેવામાં આવ્યુ હતુ કે વિપક્ષ પર ED-CBI ની કાર્યવાહી કરવનએ બદલે તમારા અચીવમેંટ ગણાવવા જોઈએ.  નેશનલ અને ઈંટરનેશનલ સિક્યોરિટેના મુદ્દા પર સરકાર પાસે અનેક ઉપલબ્ધિઓ છે.  RSS ની સલાહ હતી કે ગ્રાઉંડમાં જનતા આ મુદ્દાઓને સાંભળવા પણ માંગે છે. આપણે તેના પર રિપોર્ટ કાર્ડ પણ આપી શકતા હતા. સંઘનુ કહેવુ છે કે મફતની રમતમાં વિપક્ષ આપણાથી ઘણુ આગળ છે તેથી આપણે મફતમાં અનાજ આપવાનુ બંધ કરવુ જોઈએ.  

3- જીલ્લાધ્યક્ષોની નિમણૂકમાં સંઘને ન મળ્યુ મહત્વ  

લોકસભા ચૂંટણી પહેલા ભાજપે સંગઠનમાં ઘણા ફેરફારો કર્યા છે. અનેક જિલ્લા પ્રમુખો અને પ્રદેશ પ્રમુખોને જવાબદારી સોંપવામાં આવી હતી. આમાં સંઘ પરિવારના ફીડબેકની અવગણના કરવામાં આવી હતી. સંઘે ખાસ કરીને કાશીના પ્રદેશ અધ્યક્ષ અને કેટલાક અધિકારીઓની નિમણૂકને લઈને નારાજગી વ્યક્ત કરી હતી. વારાણસી સહિત અનેક લોકસભા મતવિસ્તારોમાં મતદાનની ટકાવારીમાં ભારે ઘટાડા પાછળ અધિકારીઓની મનસ્વી નિમણૂંકને પણ મુખ્ય કારણ માનવામાં આવતું હતું.

યોગી સાથે ચૂંટણી પરિણામો અને ભવિષ્યની રણનીતિ પર વાત કરશે

મુખ્યમંત્રી યોગી આદિત્યનાથ આજે એટલે કે શુક્રવારે વારાણસીનો પ્રવાસ પૂર્ણ કરીને સાંજે ગોરખપુર પહોંચી રહ્યા છે. તેઓ અહીં બે દિવસની મુલાકાતે આવ્યા છે. લોકસભા ચૂંટણીના પરિણામો બાદ યોગીની મોહન ભાગવત સાથેની આ પ્રથમ મુલાકાત છે. આ કારણે આ બેઠક ખાસ માનવામાં આવી રહી છે. આ સમયગાળા દરમિયાન સીએમ અને મોહન ભાગવત લોકસભા ચૂંટણી અને ભારતમાં સંઘના વિસ્તરણ વિશે વાત કરી શકે છે.

યોગી અને મોહન ભાગવતની મુલાકાતનો મતલબ 

1- ભાગવત યોગીને મજબૂત કરવાનો સંદેશ આપી શકે છે

લોકસભા ચૂંટણી વચ્ચે દિલ્હીના મુખ્યમંત્રી અરવિંદ કેજરીવાલે મોટું નિવેદન આપ્યું છે. કેજરીવાલે કહ્યું હતું- ચૂંટણી પૂરી થતાં જ યોગી આદિત્યનાથને મુખ્યમંત્રી પદ પરથી હટાવી દેવામાં આવશે. આ નિવેદન સમગ્ર ચૂંટણી દરમિયાન ચર્ચાનો વિષય રહ્યું હતું. મોહન ભાગવતને મળ્યા બાદ યોગીને સંઘ તરફથી નૈતિક સમર્થન મળશે. મોહન ભાગવત યોગીને મજબૂત કરવાનો સંદેશ પણ આપી શકે છે. જો કે આ દરમિયાન ચૂંટણી સમીક્ષા પર પણ ચર્ચા થશે.

2- ભાવિ રાજકારણની તૈયારી - યુપીના મુખ્યમંત્રી યોગી આદિત્યનાથને લોકસભા ચૂંટણીમાં રાષ્ટ્રીય ચહેરો બનાવવામાં આવ્યો હતો. તેઓ પ્રચાર માટે ઘણા રાજ્યોમાં પહોંચ્યા. આવી સ્થિતિમાં રાજકીય નિષ્ણાતોનું માનવું છે કે સંઘ યોગીને ભવિષ્યની રાજનીતિના નવા ચહેરા તરીકે પણ આગળ કરી શકે છે. 

પૂર્વાંચલની હારેલી 17 બેઠકોનો ફીડબેક લીધો

અહીં બે દિવસમાં 280 સ્વયંસેવકોને તાલીમ આપવાની સાથે, RSS ચીફ કાશી, અવધ અને ગાય સંરક્ષણ પ્રાંતના સંઘ અધિકારીઓને પણ મળ્યા. કહેવામાં આવી રહ્યું છે કે આ દરમિયાન તેમણે પૂર્વાંચલમાં ચૂંટણી પરિણામોનો અનૌપચારિક ફીડબેક પણ લીધો છે.

ઉલ્લેખનીય છે કે પૂર્વાંચલની 29 બેઠકોમાંથી ભાજપે 17 બેઠકો ગુમાવી છે. ભાગવતે અહીં જિલ્લા પ્રચારકો અને રાજ્ય પ્રચારકો સાથે વિગતવાર વાતચીત કરી હતી.