હનુમાનગઢ (રાજસ્થાન) હનુમાનગઢ પોલીસે એક એવી લુટેરી દુલ્હનની ધરપકડ કરી છે જેને માટે સંબંધોથી વધુ પૈસાનુ મહત્વ છે. તે લગ્ન કર્યા બાદ એવી ફુર્ર થઈ જાય છે કે કોઈને જાણ પણ થતી નથી. પોલીસ પૂછપરછમાં સામે આવ્યુ છે કે દુલ્હન છેલ્લા 1 મહિનામાં ત્રણ લગ્ન કરી ચુકી હતી. દુલ્હન લગ્ન થયા બાદ 1 અઠવાડિયુ પણ રોકાતી નહોતી અને બીજા શહેરમાં જઈને નવો શિકાર શોધવામાં લાગી જતી.
શબનમે દુલ્હન બનીને કર્યો ફિલ્મી ડ્રામા
વાસ્તવમાં, હનુમાનગઢના ગોગામેડી પોલીસ સ્ટેશનના પ્રભારી અજય કુમારે જણાવ્યું કે નેકીરામ નામના યુવકે ફરિયાદ નોંધાવી કે તે લગ્ન નથી કરી રહ્યો. તેના ગામના કમલેશ નામના યુવકે તેને કહ્યું કે તેની એક મુસ્લિમ છોકરી ધર્મની બહેન રહી ગઈ છે. જેમના માતા-પિતા મૃત્યુ પામ્યા છે. તેમના લગ્ન આ છોકરી સાથે કરાવશે. તેના બદલામાં તેણે 1.50 લાખ રૂપિયા ચૂકવવા પડશે. અને જે પણ ખર્ચ આવશે તે પણ ચૂકવવો પડશે. કમલેશની વાતમાં આવીને યુવકે હા પાડી અને તેને શબનમ નામની યુવતી સાથે પરિચય કરાવ્યો. 13 મેના રોજ બંનેએ કોર્ટમાં લગ્ન કરી લીધા હતા.
વર વધુને લેવા પહોંચ્ય્તો તો થઈ ચુક્યા હતા લગ્ન
ઉલ્લેખનીય છે કે લગ્નના 6 દિવસ પછી કમલેશ શબનમને કાર લઈને લેવા આવ્યો હતો, જેણે નેકીરામને બીજા દિવસે આવીને લઈ જવા કહ્યું હતું. પરંતુ જ્યારે નેકીરામ ત્યાં ગયા ત્યારે શબનમ તેની સાથે ન હતી. 15 દિવસ પછી નેકીરામને ખબર પડી કે કમલેશે શબનમના લગ્ન ઉછવાનામાં કર્યા છે. જ્યારે નેકીરામે કમલેશને આ અંગે પૂછ્યું ત્યારે કમલેશે ના પાડી કે હવે શબનમ તેની પાસે નહીં આવે અને પૈસા આપવાની પણ ના પાડી.