રાજસ્થાનમાં પાકિસ્તાન સરહદને અડીને આવેલા વિસ્તારોમાં બુધવારે રાત્રે બનેલી એક ઘટનાએ સૌને ચોંકાવી દીધા હતા. અહી આકાશમાં જોરદાર ધડાકા સાથે જોવા મળેલ લાઈટના કારણે સનસનાટી ફેલાઈ ગઈ હતી. જણાવવામાં આવ્યું હતું કે આ લાઈટ પાકિસ્તાન બોર્ડર તરફ જઈ રહી હતી.
આ ઘટના બુધવારે રાત્રે લગભગ સાડા આઠ વાગ્યે શ્રીગંગાનગરના સુરતગઢમાં બની હતી. અચાનક એક જોરદાર ધડાકા સાથે આકાશમાં પ્રકાશ દેખાયો. આ રોકેટ જેવો પ્રકાશ ધીમી ગતિએ જતો જોવા મળ્યો હતો. આ દરમિયાન કેટલાક લોકોએ તેનો વીડિયો પણ બનાવ્યો હતો. સુરતગઢ ઉપરાંત બિકાનેર, ખજુવાલા અને રાવલા સુધી આ લાઈટ દેખાતી હતી. આશંકા છે કે તેઓ સરહદ નજીક જમીન પર પડ્યા છે. જો કે હજુ સુધી તેની પુષ્ટિ થઈ નથી.
આ ઘટના અંગે સ્થાનિક પ્રશાસન માહિતી મેળવવામાં વ્યસ્ત છે. સૂત્રોના હવાલાથી જાણવા મળ્યું છે કે 8-10 અગનગોળાનું આ જૂથ સુરતગઢના આકાશમાંથી પસાર થયું હતું. આ લાઈટ પાકિસ્તાનના સરહદી વિસ્તાર તરફ જતી જોવા મળી હતી. આ અગનગોળા ઉલ્કાપિંડ છે કે બીજું કંઈ એ હજુ સુધી પુષ્ટિ થઈ નથી.
સુરતગઢમાં ઉલ્કાના પિંડો પણ અગાઉ જોવા મળ્યા હતા
23 ડિસેમ્બર 2020 ના રોજ, બિકાનેર-સુરતગઢ હાઇવે પર 6 ઉલ્કા તૂટવાની ઘટના કેપ્ચર કરવામાં આવી હતી. આકાશમાં અસંખ્ય તારાઓ વચ્ચે કેટલાક ખરતા તારા ફોટામાં કેદ થયા હતા.
