શ્રીનગરમાં તાપમાન -5.4 ડિગ્રી, છોડ પર બરફની ચાદર, દાલ તળાવ પણ થીજવા લાગ્યું

Kashmir Snowfall Photos:  કાશ્મીરમાં હિમવર્ષાના આકર્ષક નજારા દેખાવા લાગ્યા છે. શ્રીનગરમાં તાપમાન માઈનસ 5.4 ડિગ્રી નોંધાયું હતું, જેના કારણે દાલ સરોવરના બહારના ભાગો અને અન્ય જળાશયો જામવા લાગ્યા હતા. IMD એ આગામી દિવસોમાં તાપમાનમાં વધુ ઘટાડો થવાની આગાહી કરી છે.

કાશ્મીર અને લદ્દાખમાં શીત લહેરોએ તેની પકડ મજબૂત કરી છે અને શ્રીનગર સહિત મોટાભાગના વિસ્તારોમાં મોસમની સૌથી ઠંડી રાત નોંધાઈ છે.

IMD કાશ્મીર દ્વારા આપવામાં આવેલી માહિતી અનુસાર, શ્રીનગરમાં સિઝનનું સૌથી ઓછું તાપમાન માઈનસ 5.4 ડિગ્રી સેલ્સિયસ નોંધાયું હતું, જે આ સિઝનની સૌથી ઠંડી રાત હતી.

જ્યારે શ્રીનગરમાં સોનમર્ગ સૌથી ઠંડું સ્થળ હતું, જ્યાં તાપમાન માઈનસ 9.7 ડિગ્રી સેલ્સિયસથી નીચે રહ્યું હતું. ગુલમર્ગનું પ્રખ્યાત સ્કી-રિસોર્ટ માઈનસ 9.0 ડિગ્રી સેલ્સિયસ સાથે બીજા નંબરનું સૌથી ઠંડું સ્થળ હતું.