Agni Prime missile: પરમાણુ ક્ષમતાવાળી અગ્નિ પ્રાઈમ મિસાઈલનુ સફળ પરીક્ષણ, ભારતના દુશ્મનોને સહેલાઈથી નિશા બનાવી શકે છે

ભારતે શનિવારે અગ્નિ પ્રાઇમ મિસાઇલનું સફળ પરીક્ષણ કર્યું હતું. મિસાઈલનું પરીક્ષણ ઓડિશાના બાલાસોરથી કરવામાં આવ્યું હતું. સરકારી અધિકારીઓએ આ માહિતી આપી. અગ્નિ પી મિસાઈલ અગ્નિ સીરીઝની નવી જનરેશનવાળી આધુનિક મિસાઈલ છે. તેની રેન્જ 1000 થી 2000 કિમીની વચ્ચે છે. અગ્નિ-પી બેલેસ્ટિક મિસાઈલોની અગ્નિ શ્રેણીની છઠ્ઠી મિસાઈલ છે. આ મિસાઈલ સરફેસ ટુ સરફેસ મિસાઈલ છે. આ પરમાણુ સક્ષમ મિસાઈલ ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન (DRDO) દ્વારા ડિઝાઈન અને ડેવલપ કરવામાં આવી છે. અગ્નિ પ્રાઇમને કાં તો ટ્રેનમાં લઈ જઈ શકાય છે અથવા ડબ્બામાં સંગ્રહિત કરી શકાય છે.

ઉલ્લેખનીય છે કે ભૂતકાળમાં, ભારતે ઓડિશાના ચાંદીપુરથી બ્રહ્મોસ સુપરસોનિક ક્રૂઝ મિસાઇલના એર વર્ઝનનું સફળતાપૂર્વક પરીક્ષણ કર્યું હતું. આ પહેલા બ્રહ્મોસ સુપરસોનિક ક્રુઝ મિસાઈલના એન્ટી શિપ વર્ઝનનું સફળતાપૂર્વક પરીક્ષણ કરવામાં આવ્યું હતું. મિસાઈલનું પરીક્ષણ આંદામાન અને નિકોબાર દ્વીપ પરથી કરવામાં આવ્યું હતું. તે જ સમયે, આગામી થોડા દિવસોમાં, DRDO અત્યાધુનિક મિસાઇલોની વધુ બેલેસ્ટિક અને ક્રુઝ શ્રેણીનું પરીક્ષણ કરે તેવી અપેક્ષા છે.