Video: મહારાષ્ટ્રમાં એવુ તે શુ થયુ કે રસ્તા પર 50, 100 ની નોટ ફેંકવા લાગ્યા ખેડૂતો ?

farmer protest

મહારાષ્ટ્રના હિંગોલી જિલ્લામાંથી એક વીડિયો વાયરલ થયો છે જેમાં બે ખેડૂતો રસ્તા પર રૂપિયા ફેંકી રહ્યા છે. સૂત્રોના જણાવ્યા મુજબ  આ ખેડૂતો વળતર ન મળવાથી ગુસ્સે હતા. વરસાદ અને પૂરથી તેમના પાકનો નાશ થયો હોવા છતાં, ખેડૂતોએ પૂરતું વળતર ન મળવા અને સરકારની રાહત યાદીમાંથી બાકાત રહેવાના વિરોધમાં 100, 50 અને 20 રૂપિયાની નોટો રસ્તા પર ફેંકીને વિરોધ કર્યો. "ક્રાંતિકારી કિસાન સંઘ" ના કાર્યકરોએ ગોરેગાંવમાં ઉપલા તહસીલ કાર્યાલય સામે આ વિરોધ પ્રદર્શન કર્યું. આ વીડિયો સોશિયલ મીડિયા પર વાયરલ થઈ રહ્યો છે. વિરોધ કરી રહેલા ખેડૂતોએ કહ્યું કે સરકારે તેમને રાહત પેકેજમાંથી બાકાત રાખ્યા હોવાથી, તેઓ આ પૈસા ઇચ્છતા નથી.

વીડિયોમાં, વિરોધ કરી રહેલા ખેડૂતો કહે છે કે હિંગોલી જિલ્લામાં વરસાદને કારણે નોંધપાત્ર નુકસાન થયું છે, પરંતુ મહારાષ્ટ્રના મુખ્યમંત્રી, ધારાસભ્ય, સાંસદ અને વાલીમંત્રીએ શેનગાંવ અને હિંગોલી તાલુકાઓને રાહત પેકેજમાંથી બાકાત રાખ્યા છે. તેઓ આ પૈસા (વળતર રકમ) સરકારના મોઢા પર ફેંકી રહ્યા છે કારણ કે તેઓ તે ઇચ્છતા નથી!