પંજાબ-હરિયાણામાં 26 મી જાન્યુઆરીએ ખેડૂતો રસ્તા પર ઉતરશે, કરી મોટી જાહેરાત

માર્ચમાં પ્રજાસત્તાક  દિવસ પર પંજાબ અને હરિયાણામાં 1 લાખથી વધુ ટ્રેક્ટર રસ્તાઓ પર હશે. બપોરે 12 થી 1.30 સુધી ટ્રેક્ટર માર્ચ બાદ તમામ ખેડૂતો તેમના ટ્રેક્ટર સાથે તેમના ઘરે પરત ફરશે.

કિસાન મજદૂર મોરચાના વડા સર્વન સિંહ પંઢેરે ટ્રેક્ટર કૂચની તૈયારીઓની સમીક્ષા કર્યા બાદ શંભુ બેરિયર ખાતે મીડિયા સાથે વાત કરતા આ વાત કહી. આ દરમિયાન ખેડૂત નેતાઓએ જણાવ્યું કે આજે તમિલનાડુની રાજધાની ચેન્નાઈમાં સેંકડો ખેડૂતોએ જગજીત સિંહ દલ્લેવાલના સમર્થનમાં પ્રતીકાત્મક ભૂખ હડતાળ કરી હતી. પંઢેરે જણાવ્યું હતું કે 26 જાન્યુઆરીએ દેશભરમાં યોજાનારી ટ્રેક્ટર માર્ચ માટે મોટી સંખ્યામાં ટ્રેકટરો જૂથોના રૂપમાં શંભુ બેરિયર પર પહોંચવા લાગ્યા છે.