દિલ્હીઃ બટલા હાઉસ પાસે ઝૂંપડપટ્ટીમાં લાગી ભીષણ આગ, 5 પશુઓ જીવતા સળગ્યા

દિલ્હીના બટલા હાઉસ સ્થિત જોગા બાઈ એક્સટેન્શનમાં બનેલી ઝૂંપડપટ્ટીમાં સોમવારે  ભીષણ આગ લાગી હતી. આગની માહિતી બાદ શાહીન ફાયર સ્ટેશન પોલીસ અને ફાયર બ્રિગેડને ઘટનાસ્થળે મોકલવામાં આવ્યા હતા. 11 ફાયર ફાઈટરોએ આગ પર કાબુ મેળવ્યો હતો. આગમાં 35 થી 40 ઝૂંપડીઓ બળીને ખાખ થઈ ગઈ છે. આગના કારણે પાંચ પશુ બળીને દર્દનાક મોતને ભેટ્યા હતા. ઢોર બાંધેલા હતા. જેના કારણે તેઓ અકસ્માત બાદ ભાગી શક્યા ન હતા. પોલીસે કેસ નોંધીને આગનું ચોક્કસ કારણ જાણવાનો પ્રયાસ કરી રહી છે.
<

Delhi | A fire broke out in about 35-40 shanties at Joga Bai Extention, Batla House, Jamia Nagar. Total 11 fire tenders were rushed to the site, no casualty reported: Delhi Fire Service

— ANI (@ANI) April 25, 2022 >

ફાયર વિભાગના ડાયરેક્ટર અતુલ ગર્ગે જણાવ્યું હતું કે ઝૂંપડપટ્ટીમાં સોમવારે બપોરે 3.15 વાગ્યાની આસપાસ આગના સમાચાર મળ્યા હતા.  માહિતી મળતા જ ફાયરની 11 ગાડીઓ ઘટના સ્થળે પહોંચી ગઈ હતી. ફાયર ફાઈટરોએ દોઢ કલાકની ભારે જહેમત બાદ આગ પર કાબુ મેળવ્યો હતો. સ્થાનિક લોકોએ જણાવ્યું કે, આગે થોડી જ વારમાં તમામ ઝૂંપડપટ્ટીને લપેટમાં લઈ લીધી હતી. આગ એટલી વિકરાળ હતી કે લોકોને ઘરમાંથી પોતાનો એક પણ સામાન બહાર કાઢવાનો મોકો મળ્યો ન હતો. આ દરમિયાન ત્યાં બાંધેલી ત્રણ ભેંસ અને બે ગાય બળીને ખાખ થઈ ગઈ હતી.