Nothing બ્રાન્ડનો ત્રીજો ફ્લેગશિપ ફોન, Nothing Phone 3, આજે લોન્ચ થશે. તેના અગાઉના બે ફોનની જેમ, આ પણ લોકોમાં હાઇપ બનાવવામાં સફળ રહ્યો છે અને લોકો તેની આતુરતાથી રાહ જોઈ રહ્યા છે. તમને જણાવી દઈએ કે Nothing બે વર્ષ પછી તેનો ફ્લેગશિપ ફોન લાવી રહ્યું છે. અગાઉ, Nothing ફોન 2 વર્ષ 2023 માં લોન્ચ કરવામાં આવ્યો હતો. આજે લોન્ચ થાય તે પહેલાં, આ ફોન વિશે ઘણી વિગતો લીક થઈ ગઈ છે. તે તેની વિચિત્ર ડિઝાઇનને કારણે પણ ચર્ચાનો વિષય બન્યો છે.
ઉલ્લેખનીય છે કે આ વખતે Nothing Phone 3 ચર્ચામાં રહેવાનુ મુખ્ય કારણ છે કે તેને પોતાના ગ્લિફ લાઈટિંગ સાથે નહી આવે. ગ્લિફ લાઈટિંગ વાળી ડિઝાઈન Nothing ફોન ની ઓળખ રહી છે. જોકે, આ વખતે ઘણા સમય પહેલા સ્પષ્ટ થઈ ગયું હતું કે Nothing Phone 3 માં Glyph Lighting ને બદલે 'Glyph Matrix' હશે. આનો અંદાજ X પર Nothing ના સ્થાપક અને CEO Carl Pei ના ફોટા પરથી પણ લગાવી શકાય છે. વાસ્તવમાં, તમે 'Glyph Matrix' ને ફોનની પાછળ એક નાનું ડિસ્પ્લે ગણી શકો છો જે Nothing ના પ્રખ્યાત ડોટેડ ફોન્ટમાં માહિતી રજૂ કરશે. Carl Pei એ X પર પોતાનું ડિસ્પ્લે પિક્ચર પણ એ જ શૈલીમાં મૂક્યું છે. આવી સ્થિતિમાં, અનુમાન લગાવી શકાય છે કે આ 'Glyph Matrix' ટેક્સ્ટથી લઈને ફોટા સુધી બધું જ બતાવી શકશે.
અત્યાર સુધી આવેલી રિપોર્ટ્સ મુજબ તેની કિમંત 799 ડોલર રહી શકે છે. જે ભારતીય રૂપિયામાં લગભગ 68000 હોય છે. જો કે ભારતમાં તેની કિમંત ઓછી રાખી શકાય છે. તેની કિંમત 5૦,૦૦૦ થી 6૦,૦૦૦ રૂપિયાની વચ્ચે રહેવાની ધારણા છે. કાર્લ પેઈએ પહેલાથી જ કહ્યું છે કે આ કંપનીનો પહેલો ફ્લેગશિપ ફોન હશે. આવી સ્થિતિમાં, તેને 50 થી 60 હજાર રૂપિયામાં પ્રીમિયમ ડિવાઇસ તરીકે રજૂ કરવામાં આવશે. આ બજેટમાં, આ ફોન Google Pixel 9a અને Apple iPhone 16e સાથે સ્પર્ધા કરશે.
નથિંગ ફોન ૩ ના સંભવિત સ્પેક્સ
જો અત્યાર સુધી સામે આવેલા લીક્સ પર વિશ્વાસ કરવામાં આવે તો, નથિંગ ફોન ૩ વધુ સારી કેમેરા સિસ્ટમ, ઝડપી ચાર્જિંગ સપોર્ટ અને નવી ડિઝાઇન સાથે આવી શકે છે. ક્વોલકોમનું નવું સ્નેપડ્રેગન 8એસ જેન 4 પ્રોસેસર મળી શકે છે. તે જ સમયે, આ ફોનના બે વેરિઅન્ટ લોન્ચ થવાના સમાચાર પણ છે. તે 12GB+256GB 16GB+512GB સ્ટોરેજ વેરિઅન્ટમાં મળી શકે છે. જો લીક્સ પર વિશ્વાસ કરવામાં આવે તો, આ ફોનમાં સેલ્ફી કેમેરા સહિત 50 મેગાપિક્સલના 4 કેમેરા હોઈ શકે છે. ઉપરાંત તે પેરિસ્કોપ ટેલિફોટો કેમેરા સાથે આવશે. આ ઉપરાંત, ફોનમાં 5150mAh બેટરી હોવાના અહેવાલ પણ છે. તે 100W ફાસ્ટ ચાર્જિંગને સપોર્ટ કરી શકે છે.
