બાંગ્લાદેશમાં ફરી એકવાર ઉગ્રવાદીઓએ એક હિન્દુ મંદિર પર હુમલો કર્યો છે. ગુરુવારે સાંજે, 200 થી વધુ લોકોના ટોળાએ બાંગ્લાદેશની રાજધાની ઢાકા સ્થિત ઇસ્કોન રાધાકાંતા મંદિરમાં તોડફોડ કરી હતી અને લૂંટ કરી હતી. આ દરમિયાન હિન્દુ સમાજના અનેક લોકો ઘાયલ થયા હતા. અહેવાલો અનુસાર, હુમલામાં સુમંત્ર ચંદ્ર શ્રવણ, નિહાર હલદર, રાજીવ ભદ્ર સહિત ઘણા લોકો ઘાયલ થયા છે. ટોળાનું નેતૃત્વ હાજી શફીઉલ્લાહ કરી રહ્યા હતા
ગુરુવાર સાંજની ઘટના
જણાવવામાં આવી રહ્યું છે કે આ હુમલો ગુરુવારે સાંજે 7 વાગ્યે ઢાકાના વારીમાં 222 લાલ મોહન સાહા સ્ટ્રીટ સ્થિત ઈસ્કોન રાધાકાંતા મંદિરમાં થયો હતો. આ હુમલો હાજી સૈફીઉલ્લાહના નેતૃત્વમાં થયો હતો.
<
Just In.
At the moment, the Radhakanta ISKCON temple in Wari, Dhaka is being attacked and vandalized. pic.twitter.com/1uVOsKq4Wr
— Joyanta Karmoker(জয়ন্ত কর্মকার) (@JoyantaKarmoker) March 17, 2022 >
ગયા વર્ષે પણ થઈ હતી હિંસા
ગયા વર્ષે પણ, કુરાનની કથિત અપવિત્રતાના અહેવાલોને પગલે, બાંગ્લાદેશના કોમિલા શહેરમાં નાનુર દીઘી તળાવ પાસેના દુર્ગા પૂજા પંડાલમાં હિંસા ફાટી નીકળ્યા પછી ઓછામાં ઓછા ત્રણ લોકો માર્યા ગયા હતા. અગાઉ ઢાકાના ટીપુ સુલતાન રોડ અને ચિત્તાગોંગના કોતવાલીમાં પણ આવી જ ઘટનાઓ નોંધાઈ હતી.
બાંગ્લાદેશમાં 9 વર્ષમાં હિંદુઓ પર લગભગ 4000 હુમલા
બાંગ્લાદેશમાં લઘુમતીઓના અધિકારો માટે કામ કરતી સંસ્થા AKSના રિપોર્ટમાં કહેવામાં આવ્યું છે કે બાંગ્લાદેશમાં હિંદુઓ પર લગભગ 4000 હુમલા થયા છે. તેમાંથી 1678 માત્ર ધાર્મિક બાબતો હતી. આ ઉપરાંત અન્ય અત્યાચારની ઘટનાઓ પણ પ્રકાશમાં આવી હતી.