ઇઝરાયલ અને હિઝબુલ્લાના એકબીજા પર હુમલા, અમેરિકાએ પણ આપી ચેતવણી

ઇઝરાયેલ અને હિઝબુલ્લાહ વચ્ચે સંઘર્ષ વધુ ઉગ્ર બન્યો છે. સરહદ પારથી બંને પક્ષોએ એકબીજા પર મોટા હુમલા કર્યા છે.

ઇઝરાયલ ડિફેન્સ ફોર્સિસ (આઈડીએફ)એ દાવો કર્યો કે હિઝબુલ્લાહે લેબનોનથી 150થી વધુ મિસાઇલ ઇઝરાયલ તરફ છોડ્યાં હતાં. આઈડીએફ અનુસાર હાલમાં ઇઝરાયલે હાલમાં જે હુમલા કર્યાં છે તેનો બદલો લેવા માટે હિઝબુલ્લાહે મિસાઇલ છોડ્યાં હતાં.

કેટલાક અહેવાલો અનુસાર, પહેલાની સરખામણીમાં હિઝબુલ્લાહનાં મિસાઇલો આ વખતે ઇઝરાયલની અંદર સુધી પહોંચવામાં સફળ થયાં હતાં. આ હુમલાના કારણે ઇઝરાયલમાં ઘણાં રહેણાંક મકાનોને નુકસાન થયું છે અને કેટલાક લોકોને ઈજા પહોંચી છે.

લેબનોનથી હિઝબુલ્લાહે 100થી વધુ મિસાઇલ છોડતાં ઉત્તર ઇઝરાયલમાં હજારો લોકો આશ્રય શોધી રહ્યાં છે. આ હુમલામાં ઓછામાં ઓછા ત્રણ લોકો ઘાયલ થયા છે.

મિસાઇલ હુમલા બાદ હાઇફા અને ઉત્તર ઇઝરાયલના અન્ય વિસ્તારોમાં શાળાઓ બંધ કરી દેવામાં આવી છે. આ ઉપરાંત એક જગ્યાએ વધુ લોકોના એકઠાં થવા ઉપર પણ પ્રતિબંધ લાદવામાં આવ્યો છે.

ઇઝરાયલે રવિવારે દાવો કર્યો કે અન્ય એક દેશમાંથી પણ તેના તરફ છોડવામાં આવ્યાં હતાં.

આઈડીએફએ કહ્યું છે કે તે લેબનોનમાં હિઝબુલ્લાહનાં ઠેકાણાં પર હુમલો કરવાનું ચાલુ રાખશે. આઈડીએફએ દાવો કર્યો કે શનિવારે તેણે હિઝબુલ્લાહના આશરે 300 ઠેકાણાંને નિશાન બનાવ્યાં હતાં.

ઇઝરાયેલના વડા પ્રધાન બેન્જામિન નેતન્યાહૂએ કહ્યું છે કે દેશની સુરક્ષાને ધ્યાનમાં લેતા જે પણ જરૂરી કાર્યવાહી કરવાની હશે તે કરવામાં આવશે.