Publish Date: Mon, 23 Sep 2024 (08:42 IST)
Updated Date: Mon, 23 Sep 2024 (08:46 IST)
snake on train video viral- મધ્યપ્રદેશના જબલપુરથી મુંબઈ જઈ રહેલી ગરીબ રથ એક્સપ્રેસ ટ્રેનમાં તે સમયે મુસાફરોમાં ગભરાટ ફેલાયો હતો જ્યારે સીટ પરથી અચાનક સાપ નીકળી ગયો . ટ્રેનના એસી કોચમાંથી સાપ બહાર આવ્યો અને ટ્રેનની બર્થ પર સરકવા લાગ્યો.
જ્યારે મુસાફરોએ સાપને જોયો ત્યારે ટ્રેન કસારા રેલવે સ્ટેશન પાસે હતી. કેટલાક મુસાફરોએ આ દ્રશ્ય પોતાના મોબાઈલમાં રેકોર્ડ કર્યું અને તેનો વીડિયો સોશિયલ મીડિયા પર વાયરલ કર્યો. મળતી માહિતી મુજબ, ટ્રેનના કોચ નંબર જી3ની સાઇડ બર્થ નંબર 23 પર બેઠેલા મુસાફરોએ સાપને જોયો હતો.
આ સાપ સીટના થાંભલા પર લટકતો હતો. બીજી તરફ આ અંગેની માહિતી તાત્કાલિક રેલવે અધિકારીઓને આપવામાં આવી હતી. રેલવે અધિકારીઓએ તાત્કાલિક કાર્યવાહી કરી અને કોચની સંપૂર્ણ શોધખોળ કરી, પરંતુ સાપ મળ્યો ન હતો.
