શિયાળામાં આ ઉંમરના લોકોએ રહેવું સાવધ, નહિ તો બની જશો હાર્ટ એટેકનાં શિકાર, જાણો કેવી રીતે પોતાની બચવું

ઠંડીમાં દિલ સંબંધિત બીમારીઓનું જોખમ ઘણું વધી જાય છે. ઉલ્લેખનિય શિયાળાની ઋતુમાં બ્લડપ્રેશર અને કોલેસ્ટ્રોલ વધવાને કારણે દિલની તંદુરસ્તી અવરોધ પહોંચે છે. જેના કારણે હાર્ટ એટેકની શક્યતા અનેકગણી વધી જાય છે. હાર્ટ એટેકના 53 ટકાથી વધુ કેસ શિયાળામાં સવારે થાય છે. આવી સ્થિતિમાં, ચાલો જાણીએ કે કયા લોકોને હાર્ટ એટેક થવાની સંભાવના વધુ છે અને કયા લોકોએ તેમના સ્વાસ્થ્યનું ધ્યાન રાખવું જોઈએ?

શિયાળામાં આ લોકોને વધુ આવે છે હાર્ટ એટેક 

આધેડ વયના લોકોએ શિયાળાની ઋતુમાં પોતાના સ્વાસ્થ્યનું ધ્યાન રાખવું જોઈએ. આ સિઝનમાં 45 વર્ષ કે તેથી વધુ ઉંમરના પુરુષોમાં હાર્ટ એટેકની શક્યતા અનેકગણી વધી જાય છે. 55 વર્ષ કે તેથી વધુ ઉંમરની મહિલાઓને હાર્ટ એટેક આવવાની શક્યતા વધુ હોય છે. ઉપરાંત, જે લોકો ધૂમ્રપાન કરે છે અને તમાકુનું વધુ પડતું સેવન કરે છે. તેમના હૃદયમાંથી લોહી પહોંચાડતી ચેતા બ્લોક થઈ જાય છે. જેના કારણે હાર્ટ એટેકનો ખતરો વધી જાય છે.

જો તમે હાઈ બ્લડ પ્રેશરથી પીડિત છો તો તમારે તમારા સ્વાસ્થ્ય પર વધુ ધ્યાન આપવાની જરૂર છે. આ ઉપરાંત સ્થૂળતા, હાઈ કોલેસ્ટ્રોલ અને ડાયાબિટીસ જેવી બીમારીઓથી પીડિત લોકો પણ આ સિઝનમાં હાર્ટ એટેકનો શિકાર બને છે. જો તમારા પરિવારમાં કોઈને આ રોગ થયો હોય તો તમને હાર્ટ એટેક આવવાની શક્યતા વધી જાય છે.

આ રીતે રાખો તમારી સંભાળ:

જો તમે સ્વસ્થ અને ફિટ બોડી ઈચ્છો છો તો અમુક નિયમોનું પાલન કરો. આમ કરવાથી તમે હાર્ટ એટેક જેવી ગંભીર બીમારીઓથી બચી જશો. તમારી જીવનશૈલીમાં થોડો ફેરફાર કરો. સમયસર ભોજન લો. હળવું રાત્રિભોજન કરો અને રાત્રે 8 વાગ્યા પહેલા ખાવાનો પ્રયત્ન કરો. સમયસર સૂઈ જાઓ અને તમારા મન અને શરીરને 7 થી 8 કલાક આરામ આપો. શહેરોમાં રહેતા લોકોએ 40 વર્ષની ઉંમર પછી દૂધ અને દૂધની બનાવટોનું સેવન ઓછું કરવું જોઈએ અથવા તેને સંપૂર્ણપણે છોડી દેવું જોઈએ. ખોરાકમાં રિફાઈન્ડ તેલનો ઉપયોગ ઓછો કરો. દરરોજ યોગ અને કસરત કરો.