મુંબઈ ટીમ ઈન્ડિયા અને ઑસ્ટ્રેલિયા વચ્ચે રમાઈ રહેલી 3 વનડે સિરીઝની પહેલી મેચ આજે મુંબઈના વાનખેડે સ્ટેડિયમ ખાતે રમાઇ રહી છે. ઑસ્ટ્રેલિયાએ ટોસ જીતીને પ્રથમ બોલિંગ કરવાનો નિર્ણય લીધો છે.
ઑસ્ટ્રેલિયાના બેટ્સમેન સ્ટીવ સ્મિથે કહ્યું કે ઉભરતા યુવા બેટ્સમેન માર્નસ લબુસ્ચેન જો પગ પર જો જમીન પર રાખે તો ભવિષ્યમાં તે પ્રભાવશાળી ખેલાડી બની શકે છે.
આંતરરાષ્ટ્રીય ક્રિકેટમાં શાનદાર શરૂઆત કરનાર 22 વર્ષીય ખેલાડીને સ્મિથે સલાહ આપી હતી કે આ સફળતા ચાલુ રાખવી તે તેના માટે સૌથી મોટો પડકાર હશે.
ભારતીય કેપ્ટન વિરાટ કોહલી અને સ્મિથ પછી આઇસીસી ટેસ્ટ રેન્કિંગમાં લબુશેન ત્રીજા ક્રમે છે. વર્તમાન સિઝનમાં તેણે અત્યાર સુધીમાં 896 રન બનાવ્યા છે જ્યાં તેની સરેરાશ 112 છે. આ દરમિયાન તેણે પાકિસ્તાન અને ન્યુઝીલેન્ડ સામે બે સદી પણ ફટકારી હતી.