IND vs AUS Semifinal: ઓસ્ટ્રેલિયાને હરાવીને ટીમ ઈન્ડિયા ચેમ્પિયન્સ ટ્રોફી 2025 ની ફાઇનલમાં પહોંચી

IND vs AUS: ICC ચેમ્પિયન્સ ટ્રોફી 2025 ની પહેલી સેમિફાઇનલ ભારત અને ઓસ્ટ્રેલિયા વચ્ચે દુબઈમાં રમાઈ હતી. આ મેચ 4 વિકેટથી જીતીને ભારતે ફાઇનલમાં પોતાનું સ્થાન નિશ્ચિત કર્યું. બોલરોથી લઈને બેટ્સમેન સુધી, બધાએ ભારતની જીતમાં મહત્વપૂર્ણ યોગદાન આપ્યું. ઓસ્ટ્રેલિયાના કેપ્ટન સ્ટીવ સ્મિથે ટોસ જીતીને પહેલા બેટિંગ કરવાનો નિર્ણય લીધો. પ્રથમ બેટિંગ કરતા, આખી ઓસ્ટ્રેલિયન ટીમ 49.3 ઓવરમાં 264 રનમાં ઓલઆઉટ થઈ ગઈ. ઓસ્ટ્રેલિયા તરફથી સ્ટીવ સ્મિથે સૌથી વધુ 73 રન બનાવ્યા. પોતાની ઇનિંગ દરમિયાન તેણે 4 ચોગ્ગા અને 1 છગ્ગો ફટકાર્યો. તેમના સિવાય ટ્રેવિસ હેડ 33 બોલમાં 39 રન બનાવીને આઉટ થયો હતો. જ્યારે એલેક્સ કેરીએ 57 બોલમાં 61 રનની ઇનિંગ રમી હતી. બોલિંગની વાત કરીએ તો, ભારત તરફથી મોહમ્મદ શમીએ સૌથી વધુ 3 વિકેટ લીધી. જ્યારે વરુણ ચક્રવર્તી અને રવિન્દ્ર જાડેજાએ 2-2 વિકેટ લીધી.

-ઈંગ્લિસ થયો આઉટ 

જોશ ઈંગ્લિસ આ મેચમાં 12 બોલમાં 11 રન બનાવીને આઉટ થયો હતો. જાડેજાએ તેને કોહલીના હાથે કેચ આઉટ કરાવ્યો હતો. ઓસ્ટ્રેલિયાનો સ્કોર 144/4

- સ્મિથની હાફ સેન્ચુરી 

સ્ટીવ સ્મિથે 68 બોલમાં પોતાની અડધી સદી પૂરી કરી હતી. ઓસ્ટ્રેલિયાનો સ્કોર 26 ઓવર પછી 3/133 છે.

- લાબુશેન થયો આઉટ 

ઓસ્ટ્રેલિયાને 110ના સ્કોર પર ત્રીજો ઝટકો લાગ્યો છે. લાબુશેન 36 બોલમાં 29 રન બનાવીને જાડેજાના બોલ પર LBW આઉટ થયો હતો.

- ઓસ્ટ્રેલિયાનો સ્કોર 100ને પાર

20 ઓવર પછી ઓસ્ટ્રેલિયાનો સ્કોર 2/105 છે. સ્મિથ 36 રન અને લેબુશેન 24 રન પર બેટિંગ કરી રહ્યા છે.

- 18 ઓવર પછી ઓસ્ટ્રેલિયાનો સ્કોર

18 ઓવરના અંતે ઓસ્ટ્રેલિયાએ 2 વિકેટના નુકસાન પર 91 રન બનાવી લીધા છે. સ્મિથ 30 અને લેબુશેન 16 રન પર બેટિંગ કરી રહ્યા છે.

- 10 ઓવર પછી ઓસ્ટ્રેલિયાનો સ્કોર

10 ઓવરના અંતે ઓસ્ટ્રેલિયાનો સ્કોર 2/63 છે. સ્મિથ 17 અને લાબુશેન 1 રન પર બેટિંગ કરી રહ્યા છે.  

- 3 ઓવર પછી ઓસ્ટ્રેલિયન ટીમનો સ્કોર

3 ઓવર પછી ઓસ્ટ્રેલિયાની ટીમે એક વિકેટના નુકસાને ચાર રન બનાવી લીધા છે. ટ્રેવિસ હેડ અને સ્ટીવ સ્મિથ ક્રિઝ પર હાજર છે.

- 1 ઓવર પછી ઓસ્ટ્રેલિયાનો સ્કોર

એક ઓવર બાદ ઓસ્ટ્રેલિયન ટીમે કોઈપણ નુકશાન વિના 2 રન બનાવી લીધા છે. કૂપર કોનોલી અને ટ્રેવિસ હેડ ક્રિઝ પર હાજર છે.

09:59 PM, 4th Mar

ભારતે આ મેચ 4 વિકેટે જીતી લીધી હતી

ભારતે ઓસ્ટ્રેલિયાને 4 વિકેટે હરાવી ફાઇનલમાં પોતાનું સ્થાન નિશ્ચિત કરી લીધું છે. કેએલ રાહુલે ટીમ ઈન્ડિયા માટે વિનિંગ શોટ ફટકાર્યો હતો.

09:58 PM, 4th Mar

લક્ષ્યનો પીછો કરતી વખતે ટીમ ઈન્ડિયાની શરૂઆત સારી રહી ન હતી. ઓપનર ગિલ 8 રન બનાવીને આઉટ થયો હતો. રોહિત શર્મા 28 રન બનાવીને આઉટ થયો હતો. આ પછી, વિરાટ અને શ્રેયસ ઐય્યર વચ્ચે ત્રીજી વિકેટ માટે 91 રનની ભાગીદારી થઈ. વિરાટ 84 રન બનાવીને આઉટ થયો હતો જ્યારે શ્રેયસ અય્યરે 45 રનની ઇનિંગ રમી હતી. અંતમાં કેએલ રાહુલે 34 બોલમાં 42 રન બનાવ્યા હતા જ્યારે હાર્દિક પંડ્યાએ 24 બોલમાં 28 રનની ઝડપી ઇનિંગ રમીને ભારતને મોટી જીત અપાવી હતી. ઓસ્ટ્રેલિયા તરફથી નાથન એલિસ અને એડમ ઝમ્પાએ 2-2 વિકેટ લીધી હતી.

06:02 PM, 4th Mar

ઓસ્ટ્રેલિયાએ ભારતને 265 રનનો લક્ષ્ય આપ્યો 

ઓસ્ટ્રેલિયાએ ભારતને જીતવા માટે 265 રનનો  લક્ષ્ય આપ્યો છે. સ્ટીવ સ્મિથ અને એલેક્સ કેરીએ ટીમ માટે શાનદાર પ્રદર્શન કર્યું હતું.

05:42 PM, 4th Mar

ભારતને સાતમી સફળતા મળી

વરુણ ચક્રવર્તીએ 46મી ઓવરમાં બેન દ્વારશુઈસને આઉટ કરીને ટીમ ઈન્ડિયાને સાતમી સફળતા અપાવી હતી. તે 29 બોલમાં 19 રન બનાવીને શ્રેયસ અય્યરના હાથે કેચ આઉટ થયો હતો. ઓસ્ટ્રેલિયાએ 46 ઓવરમાં 7 વિકેટે 242 રન બનાવ્યા છે.

05:10 PM, 4th Mar

- મેક્સવેલ પણ પેવેલિયન ભેગો 

ઓસ્ટ્રેલિયાને ગ્લેન મેક્સવેલના રૂપમાં છઠ્ઠો ફટકો પડ્યો છે. ગ્લેન મેક્સવેલ 7 રનના વ્યક્તિગત સ્કોર પર અક્ષર પટેલના બોલ પર બોલ્ડ થયા. ઓસ્ટ્રેલિયાનો સ્કોર 206/6 છે.

- સ્મિથ પેવેલિયન ભેગો

મોહમ્મદ શમીએ ભારતને મોટી સફળતા અપાવી. તેણે 73 રનના વ્યક્તિગત સ્કોર પર સ્મિથને ક્લીન બોલ્ડ કર્યો. ઓસ્ટ્રેલિયાની અડધી ટીમ પેવેલિયન પરત ફરી ગઈ છે.

- 32 ઓવર પછી ઓસ્ટ્રેલિયાનો સ્કોર

32 ઓવરની રમત પૂરી થયા બાદ ઓસ્ટ્રેલિયાએ 4 વિકેટના નુકસાન પર 165 રન બનાવી લીધા છે. સ્મિથ 67 અને એલેક્સ કેરી 13 રન પર બેટિંગ કરી રહ્યા છે.