Supermoon 2023: ગુરુ પૂર્ણિમાના દિવસે આજે સાંજે જોવા મળશે વર્ષનો પહેલો સુપરમૂન, જાણો તેની ખાસિયતો

અંતરિક્ષમાં ઘણી અદ્દભૂત ઘટનાઓ થાય છે. જે સાંભળવામાં જેટલી રસપ્રદ છે તેટલી જ જોવામાં સુંદર પણ છે. આજે ગુરુ પૂર્ણિમાના અવસર પર લોકો પૂર્ણ ચંદ્રના દર્શન કરશે. આ અદ્ભુત નજારો 3જી જુલાઈની રાત્રે ભારતમાં જોવા મળશે. તમે તેને કોઈપણ વૈજ્ઞાનિક સાધનો વિના રાત્રે પણ જોઈ શકો છો. ધાર્મિક દૃષ્ટિએ તેને પૂર્ણિમા પણ કહેવામાં આવે છે. આ દિવસે ચંદ્ર ખૂબ મોટો અને તેજસ્વી દેખાશે. જો હવામાન ચોખ્ખું હશે તો તમે તેને ખૂબ જ સરળતાથી જોઈ શકશો. ચાલો જાણીએ કે તેને સુપરમૂન કેમ કહેવામાં આવે છે અને તે પૃથ્વીથી કેટલો દૂર છે.

જ્યારે સૂર્ય અને ચંદ્ર પૃથ્વીથી વિરુદ્ધ દિશામાં એક સીધી રેખામાં હોય છે. ઉપરાંત, ચંદ્રનો આખો ભાગ સૂર્ય દ્વારા પ્રકાશિત થાય છે. તેને બક મૂન પણ કહેવામાં આવે છે. તે અલગ અલગ જગ્યાએ અલગ અલગ નામથી ઓળખાય છે. જેમ કે અમેરિકામાં તેને હોટ મૂન તરીકે ઓળખવામાં આવે છે.

કેમ કહેવાય છે તેને સુપરમૂન  

આ સુપરમૂનનું નામ એક હરણના નામ પરથી રાખવામાં આવ્યું છે. તેની પાછળનું કારણ એ છે કે જુલાઈ મહિનામાં હરણના માથા પર નવા શિંગડા ઉગે છે. તેને જોવાનો શ્રેષ્ઠ સમય ચંદ્રોદયનો છે. દિલ્હીમાં તે સવારે 7.40 વાગ્યે જોઈ શકાશે. આ દરમિયાન પૃથ્વીથી ચંદ્રનું અંતર 3,61,934 કિમી હશે. આ વર્ષે કુલ 4 સુપરમૂન જોવા મળશે. જેમાંથી સુપરમૂન ઓગસ્ટ મહિનામાં જ બે વાર જોવા મળશે.