ટી-20 વર્લ્ડ કપ (T20 World Cup 2021) અગાઉ ભારતમાં યોજાવાનો હતો, પરંતુ કોરોના વાઈરસ (Corona virus) રોગચાળાને કારણે તેને યુએઈ અને ઓમાન ખસેડવામાં આવ્યો હતો. ભારત હજુ પણ આ ટુર્નામેન્ટનું યજમાન છે. છેલ્લા 5 વર્ષમાં પ્રથમ વખત ટી 20 વર્લ્ડ કપનું આયોજન કરવામાં આવી રહ્યું છે. છેલ્લી વખત 2016 માં આયોજન કરવામાં આવ્યું હતું. તે સમયે વેસ્ટ ઈન્ડીઝની ટીમ ચેમ્પિયન બની હતી. વેસ્ટ ઈન્ડિઝ એકમાત્ર ટીમ છે જેણે બે વખત આ ખિતાબ જીત્યો છે. 2016 પહેલા તેણે 2012માં ટાઈટલ જીત્યું હતું.
ભારત 24 ઓક્ટોબરે તેની શરૂઆતની મેચમાં કટ્ટર હરીફ પાકિસ્તાન સામે ટકરાશે, ત્યાર બાદ 31 ઓક્ટોબરે દુબઈમાં ન્યૂઝીલેન્ડ અને પછી 3 નવેમ્બરે અબુ ધાબીમાં અફઘાનિસ્તાન સામે ટકરાશે. આ ત્રણેય મેચ બાદ વિરાટ કોહલીની આગેવાનીવાળી ભારતીય ટીમ 5 નવેમ્બરે ગ્રુપ બીની વેજેતા ટીમ સામે મુકાબલો થશે. આ સિવાય 8 નવેમ્બરે ટીમનો મુકાબલો ગ્રુપ એમાં બીજા નંબરે રહેનારી નામીબિયા ટીમ સાથે થશે.