PWR DUPR- આઠ વખતના ગ્રાન્ડ સ્લેમ વિજેતા અને ભૂતપૂર્વ વિશ્વ નંબર વન ટેનિસ ખેલાડી આન્દ્રે અગાસી 13 ડિસેમ્બર, 2024 ના રોજ મુંબઈમાં એક કાર્યક્રમમાં PWR DUPR ઈન્ડિયા લીગ, ભારતની પ્રીમિયર પિકલબોલ લીગની શરૂઆત કરશે. આ લીગનું આયોજન વર્ષ 2025ની શરૂઆતમાં કરવામાં આવનાર છે.
તેનું આયોજન પિકલબોલ વર્લ્ડ રેન્કિંગ (PWR) દ્વારા કરવામાં આવશે. અગાસી સત્તાવાર રીતે PWR DUPR ઇન્ડિયા લીગનું ઉદ્ઘાટન કરશે. આ લીગમાં માત્ર વિશ્વના કેટલાક શ્રેષ્ઠ પિકલબોલ ખેલાડીઓ જ નહીં પરંતુ ભારતના ઉભરતા ખેલાડીઓને પણ ચમકવાની તક મળશે.
PWR DUPR ઈન્ડિયા માસ્ટર્સના સફળ સંચાલન પછી બહુપ્રતિક્ષિત PWR DUPR ઈન્ડિયા લીગનું આયોજન થવા જઈ રહ્યું છે. PWR DUPR India Masters ઑક્ટોબર 2024 માં દિલ્હીમાં યોજાઈ હતી અને 800 થી વધુ ભારતીય અને વૈશ્વિક પ્રતિભાઓએ ભાગ લેતા ભારતમાં અત્યાર સુધીની સૌથી મોટી પિકલબોલ ટુર્નામેન્ટ હતી.