મેડલની સંખ્યા વધારવા માટે ભારત સરકાર તમામ જરૂરી પગલાં લઈ રહી છે. ખાસ કરીને યુવાનોમાં રમતગમતને પ્રોત્સાહિત કરવા સરકાર દર વર્ષે વિવિધ સ્પર્ધાઓનું આયોજન કરે છે. ખેલો ઈન્ડિયા યુથ ગેમ્સ પણ આ ક્રમમાં આવે છે. ખેલો ઈન્ડિયામાં દેશના દરેક ખૂણેથી ખેલાડીઓ વિવિધ રમતોમાં પોતાનું કૌશલ્ય બતાવે છે. 30 જાન્યુઆરીથી 11 ફેબ્રુઆરી દરમિયાન મધ્યપ્રદેશમાં ખેલો ઈન્ડિયા યુથ ગેમ્સ 2023નું પણ આયોજન થવા જઈ રહ્યું છે. રાજ્યના 8 શહેરોની વિવિધ રમતોની યજમાની માટે પસંદગી કરવામાં આવી છે. પરંતુ દેશની રાજધાની દિલ્હીમાં પણ એક રમતનું આયોજન કરવામાં આવશે.
આ વર્ષે, ખેલો ઈન્ડિયા યુથ ગેમ્સમાં કુલ 27 રમતો હશે, જેમાં કેટલીક રમતોનો સમાવેશ થાય છે જે પ્રથમ વખત ભાગ લઈ રહી છે. તેમાંથી એક વોટર સ્પોર્ટ્સ છે જેનો આ વખતે સમાવેશ કરવામાં આવ્યો છે. થોડા સમય પહેલા મીડિયા સાથે વાત કરતા રમતગમત મંત્રી અનુરાગ ઠાકુરે કહ્યું હતું કે સામાન્ય રમતો અને સ્વદેશી રમતોની સાથે નવી રમતો જેવી કે કેનો સ્લેલોમ, કાયકિંગ, કેનોઇંગ અને રોઇંગનો પણ સમાવેશ કરવામાં આવશે. રાજ્યના તમામ જિલ્લાના યુવાનો અને વિદ્યાર્થીઓને રાષ્ટ્રીય કક્ષાની રમતોત્સવ સાથે જોડવામાં આવશે, જે અંતર્ગત ભોપાલ, ઈન્દોર, ઉજ્જૈન, ગ્વાલિયર, જબલપુર, મંડલા, મહેશ્વર અને બાલાઘાટમાં વિવિધ સ્થળોએ રમતગમત સ્પર્ધાઓનું આયોજન કરવામાં આવશે. આ અંગે જિલ્લા કલેક્ટરને ખાસ સૂચનાઓ આપવામાં આવી છે.
ખેલો ઈન્ડિયા યુથ ગેમ્સની પાંચમી આવૃત્તિ 30 જાન્યુઆરીથી મધ્યપ્રદેશમાં શરૂ થશે. જોકે પ્રથમ દિવસે 30મીએ ભવ્ય ઉદ્ઘાટન સમારોહ યોજાશે. મધ્યપ્રદેશના મુખ્યમંત્રી શિવરાજ સિંહ ચૌહાણ ભોપાલના તાત્યા ટોપે સ્ટેડિયમમાં તેનું ઉદ્ઘાટન કરશે. એક સરકારી નોટમાં આપવામાં આવેલી માહિતી મુજબ કેન્દ્રીય રમત અને યુવા કલ્યાણ્ણ મંત્રી અનુરાગ ઠાકુર ઉદ્દઘાટન સમારંભના વિશેષ અતિથિ રહેશે. જેમા લગભગ 21000 લોકો ભાગ લેશે. ખેલો ઈંડિયા યૂથ ગેમ્સના ઉદ્ધઘાટન સમારંભ દરમિયાન પ્રધાનમંત્રી નરેન્દ્ર મોદીનુ રમત પ્રત્યે વિઝન શુ છે તેના પર પણ પ્રસ્તુતિ આપવામાં આવશે.
તમને જણાવી દઈએ કે આ વર્ષે ખેલો ઈન્ડિયા યુથ ગેમ્સમાં રાજ્યના વિવિધ જિલ્લાઓમાં કુલ 27 રમતોનું આયોજન કરવામાં આવનાર છે. આ ગેમ્સમાં દેશભરના 28 રાજ્યો અને 8 કેન્દ્રશાસિત પ્રદેશોના લગભગ 10,000 ખેલાડીઓ અને અધિકારીઓ ભાગ લેશે.
ખેલો ઈન્ડિયા યુથ ગેમ્સ એ વાર્ષિક રમતો છે જે ખેલાડીઓને ગ્રાઉન્ડ લેવલથી ઉપર આવવાની તક પૂરી પાડે છે. શાળાના વિદ્યાર્થીઓ માટે અન્ડર-17 અને કોલેજના વિદ્યાર્થીઓ માટે અન્ડર-21 એમ બે કેટેગરીમાં આ ગેમ્સનું આયોજન કરવામાં આવ્યું છે. શ્રેષ્ઠ 1000 વિદ્યાર્થીઓને આઠ વર્ષ માટે 5 લાખ રૂપિયાની વાર્ષિક શિષ્યવૃત્તિ આપવામાં આવે છે જેથી તેઓને આંતરરાષ્ટ્રીય રમતગમતના કાર્યક્રમો માટે તૈયાર કરી શકાય.