Fact check- કોરોનાના વધતા કેસના કારણે દેશભરમાં 25 સેપ્ટેમબરથી Lockdown ફરીથી લાગૂ થશે? જાણો આખુ સત્ય

દેશમાં કોરોના વાયરસના વધતા જતા કેસો વચ્ચે એક સમાચાર સોશિયલ મીડિયા પર ઝડપથી વાયરલ થઈ રહ્યા છે. એવો દાવો કરવામાં આવે છે કે કોરોનાના વધતા જતા મામલાને ધ્યાનમાં રાખીને કેન્દ્ર સરકાર ફરી એક વખત સમગ્ર દેશમાં લોકડાઉન કરવા જઈ રહી છે. આ દાવાની સાથે નેશનલ ડિઝાસ્ટર મેનેજમેન્ટ ઓથોરિટી (એનડીએમએ) નો એક પરિપત્ર પણ શેર કરવામાં આવી રહ્યો છે.

વાયરલ પરિપત્ર શું છે?

વાયરલ પરિપત્રમાં જણાવાયું છે - 'દેશમાં કોરોના વાયરસના કેસના ફેલાવાને રોકવા અને મૃત્યુ દર ઘટાડવા માટે, એનડીએમએ યોજના પંચ સાથે ભારત સરકારને તાકીદ કરે છે અને 25 સપ્ટેમ્બરના રોજ પીએમઓ અને ગૃહ મંત્રાલયને સૂચના આપે છે. મધ્યરાત્રિથી 46 દિવસ સુધી દેશવ્યાપી લોકડાઉન લાગુ કરવામાં આવશે. જો કે, આ સમયગાળા દરમિયાન બધી જરૂરી સેવાઓ ચાલુ રહેશે" આ પરિપત્ર તા .10 સપ્ટેમ્બરના છે.

<

Claim: An order purportedly issued by National Disaster Management Authority claims that it has directed the government to re-impose a nationwide #Lockdown from 25th September. #PIBFactCheck: This order is #Fake. @ndmaindia has not issued any such order to re-impose lockdown. pic.twitter.com/J72eeA62zl

— PIB Fact Check (@PIBFactCheck) September 12, 2020 >

સત્ય શું છે

દેશમાં ફરીથી લોકડાઉન થવાના સમાચારને સરકારે નકારી દીધા છે. પ્રેસ ઇન્ફર્મેશન બ્યુરો (પીઆઈબી) દ્વારા હાથ ધરવામાં આવેલી તથ્ય તપાસમાં આ સમાચારને બનાવટી ગણાવ્યા છે. પીઆઈબી ફેક્ટ ચેકનું ટ્વિટર હેન્ડલ વાંચે છે - 'આ પત્ર નકલી છે. એનડીએમએએ ફરીથી લોકડાઉન લાગુ કરવા માટે કોઈ આદેશ જારી કર્યો નથી. '

તમને જણાવી દઈએ કે, માર્ચના અંતમાં ભારતમાં દેશવ્યાપી લોકડાઉન લાદવામાં આવ્યું હતું. ત્યારબાદ જૂનથી લોકડાઉન ઘણા તબક્કામાં ફરીથી ખોલવામાં આવ્યું હતું. જો કે, શાળાઓ અને કૉલેજો હજી પણ બંધ છે, જ્યારે માર્ચથી બંધ રહેલી મેટ્રોને એક અઠવાડિયા અગાઉ ચલાવવા માટે લીલી ઝંડી આપી હતી.