અરવલ્લી નજીક ત્રિપલ અકસ્માત, મુસાફરોના જીવ તાળવે ચોંટ્યા

રાજ્યમાં સતત વધી રહેલા અકસ્માતોના બનાવો વચ્ચે વધુ એક ત્રિપલ અકસ્માતની ઘટના સામે આવી છે. જેમાં જેમાં અરવલ્લી નજીક એક ત્રિપલ અકસ્માત સર્જાયો હતો. આ અકસ્માતમાં બસ ઇકો અને ડમ્પર વચ્ચે ટક્કર થઇ હતી. 

પ્રાપ્ત માહિતી અનુસાર અમદાવાદથી ધમ્બોલા મોડાસા તરફ જઇ રહેલી બસને પાછળ ઇકો કારે ટક્કર મારી હતી. અને આગળ તરફ જઇ રહેલા ટ્રકને ટક્કર વાગતાં બસ ઇકો કાર અને ટક્કર વચ્ચે આવી જતા મુસાફરોના જીવ તાળવે ચોંટી ગયા હતા. જોકે સદનસીબે કોઇ મોટી દુર્ઘટના સર્જાઇ ન હતી. પરંતુ બસમાં સવાર મુસાફરોને નાની મોટી ઇજા પહોંચી હતી. 

અકસ્માતને પગલે ઇજાગ્રસ્તોને હોસ્પિટલમાં ખસેડવામાં આવ્યા છે. પોલીસે આ અંગે અકસ્માતનો ગુનો નોંધી વધુ તપાસ હાથ ધરી છે.