ધોરણ-12ની બોર્ડ પરીક્ષાનું કમ્પ્યુટર વિષયનું પેપર ચાલુ પરીક્ષાએ લીક થયાનો યુવરાજસિંહે દાવો કર્યો

ધોરણ-12ની બોર્ડ પરીક્ષાનું કમ્પ્યુટર વિષયનું પેપર ચાલુ પરીક્ષાએ લીક થયાનો યુવરાજસિંહે દાવો કર્યો

આમ આદમી પાર્ટીના નેતા યુવરાજસિંહ જાડેજાએ ટ્વીટ કર્યું છે અને પેપરલીક થયાના ફોટા રજૂ કર્યા 

ગુજરાતમાં ઘણા સમયથી સ્પર્ધાત્મક પરીક્ષાના પેપર ફૂટવાની ઘટનાઓ સામે આવી રહી છે. થોડા સમય પહેલાં જ હેડ ક્લાર્કની પરીક્ષાનું પેપર ફૂટ્યું હતું. જો કે હવે આમ આદમી પાર્ટીના નેતા યુવરાજસિંહે ધોરણ-12ની બોર્ડ પરીક્ષાનું કમ્પ્યુટર વિષયનું પેપર ચાલુ પરીક્ષાએ લીક થયાનો દાવો કર્યો છે. 

પેપરલીક થયાનું જણાવી ફોટા મોકલ્યા

આમ આદમી પાર્ટીના નેતા યુવરાજસિંહ જાડેજાએ ટ્વીટ કર્યું છે અને પેપરલીક થયાના ફોટા રજૂ કર્યા છે. તેમણે કહ્યું છે કે કોઈ જાગૃત નાગરિકે વ્હોટ્સએપના માધ્યમથી આ પેપરલીક થયાનું જણાવી ફોટા મોકલ્યા છે. જો કે તેમણે એમ પણ કહ્યું છે કે આ પેપર સાચું છે કે ખોટું એની તેમને જાણ નથી. 

ગત વર્ષે ધોરણ 10નું પેપર લીક થયું હતું

ઉલ્લેખનીય છે કે 2022માં બોર્ડની પરીક્ષાનું ધોરણ-10નું હિન્દી દ્વિતીયનું પેપર પરીક્ષા પૂર્ણ થયાના અડધા કલાક પહેલા જ સોશિયલ મીડિયા પર ફરતુ થયુ હતુ.તેમાં જવાબો સોલ્વ કરેલા હતા. આ સવાલ અને જે પેપર હતુ તે બન્ને એક સરખા જ હતા. 

આજરોજ ધોરણ ૧૨ સામાન્ય પ્રવાહ માં ""#કોમ્પ્યુટર_વિષય"" ની પરીક્ષા વર્તમાન સમયમાં ચાલી રહી છે.

મારા વોટ્સ એપ નંબર સુધી જાગૃત નાગરિક દ્વારા આ #પેપરલીક થયાની માહિતી પોહચાડવા માં આવેલ છે.

પેપર સાચું છે કે ખોટું તેની પુષ્ટિ હું કરતો નથી.
વર્તમાન સમય દરમિયાન પેપર શરૂ છે