દેશમાંથી માંડ માંડ કોરોનાનો આતંક ઓછો થયો છે અને ત્યાં નવી બિમારીએ પગપેસારો કરી દીધો છે. આ બિમારી ઝડપથી ફેલાઇ રહી છે. આ બિમારી નાના બાળકોને પોતાની ચપેટમાં લઇ રહી છે. આ બીમારીને કારણે અનેક બાળકોએ જીવ ગુમાવ્યા છે. કોવિડ 19 પછી હવે ઓરી રોગનો ખતરો ઉભો થયો છે. વર્લ્ડ હેલ્થ ઓર્ગેનાઈઝેશન (WHO) એ કહ્યું છે કે તે એવા બેક્ટેરિયા, વાયરસ અને સૂક્ષ્મજીવોની ઓળખ કરી રહ્યું છે જે ભવિષ્યમાં કોરોના જેવી મહામારીનું કારણ બની શકે છે. ડબ્લ્યુએચઓ આ સૂક્ષ્મજીવાણુઓ (પેથોજેન્સ) ની યાદી પણ બનાવશે, જેથી તેમની સાથે વ્યવહાર કરવા માટે કામ કરી શકાય. આ સંશોધન માટે, WHO 300 વૈજ્ઞાનિકોની એક ટીમ તૈયાર કરી રહ્યું છે જે ભવિષ્યમાં રોગચાળાનું કારણ બની શકે તેવા બેક્ટેરિયા અને વાયરસની ઓળખ કરશે. આ સાથે આ ટીમ આ જીવાણુઓની રસી અને સારવાર પર પણ કામ કરશે.
મીડિયા રિપોર્ટ્સ અનુસાર માત્ર મુંબઈમાં જ 200 બાળકોને ઓરીનો ચેપ લાગ્યો છે. 13 બાળકોના મોત થયા છે. વિશ્વના વૈજ્ઞાનિકો અને ડોકટરો આ વાયરસના ફેલાવા પર નજર રાખી રહ્યા છે. ખાસ વાત એ છે કે આ વાયરસ નાના બાળકોને જ વધુ સંક્રમિત કરી રહ્યો છે. ચાલો એ જાણવાનો પ્રયત્ન કરીએ કે આ વાયરસ કઈ ઉંમર સુધી બાળકો માટે વધુ ઘાતક છે?
ઓરીના પ્રકોપ બાદ હવે WHOએ પણ ચેતવણી આપી છે. જણાવવામાં આવી રહ્યું છે કે કોવિડ-19ના કારણે ઓરી રસીકરણ કવરેજમાં સતત ઘટાડો થઈ રહ્યો છે. જેના કારણે કરોડો નવજાત શિશુઓને ઓરીની બિમારી ઝડપથી પોતાની ઝપેટમાં લઈ રહી છે. તાજેતરમાં આ અંગે જે રિપોર્ટ સામે આવ્યો છે, તેમાં છેલ્લા વર્ષ એટલે કે 2021માં વિશ્વભરમાં લગભગ 40 મિલિયન અથવા 4 કરોડ બાળકોને ઓરીનો ડોઝ મળી શક્યો નથી.
વર્ષ 2021માં વિશ્વભરમાં ઓરીના અંદાજિત 9 મિલિયન નવા કેસ નોંધાયા હતા અને 1.28 લાખ લોકો મૃત્યુ પામ્યા હતા. આશ્ચર્યજનક રીતે આફ્રિકા અને એશિયા જેવા વિકાસશીલ દેશોમાં 95 ટકાથી વધુ મૃત્યુ થયા છે. વિશ્વના લગભગ 22 દેશો આ ભયંકર રોગના પ્રકોપનો સામનો કરી રહ્યા છે. કોવિડ-19 અને ઓરીના રસીકરણમાં બેદરકારીને કારણે હવે આ રોગ સમગ્ર વિશ્વ માટે ખતરો બનતો જોવા મળી રહ્યો છે.
યાદીમાં સામેલ કરવામાં આવેલા ઘતરનાક રોગજનક
WHO દ્વારા પ્રાથમિકતાવાળા રોગજનકોની યાદીમાં કોવિડ-19, ઇબોલા વાયરસ, મારબર્ગ વાયરસ, લાસા તાવ, MERS, SARS, Zika અને રોગ Xનો સમાવેશ થાય છે. આ જીવાણુઓને કોઈપણ રોગચાળાના કિસ્સામાં માપદંડ તરીકે કડક દેખરેખ હેઠળ રાખવામાં આવ્યા છે. ડબ્લ્યુએચઓ દ્વારા 2017 માં રોગજનકોની પ્રથમ યાદી પ્રકાશિત કરવામાં આવી હતી. હાલમાં કોવિડ-19, ક્રિમિયન-કોંગ હેમોરહેજિક ફીવર, ઇબોલા વાઇરસ ડિસીઝ અને મારબર્ગ વાઇરસ ડિસીઝ, લાસા ફિવર ફિવર, મિડલ ઇસ્ટ રેસ્પિરેટરી સિન્ડ્રોમ (એમઇઆરએસ), સિન્ડ્રોમ અને સિવિયર એક્યુટ રેસ્પિરેટરી સિન્ડ્રોમ (સાર્સ), નિપાહ અને હેનિપાવાયરલ ડિસીઝ, રિફ્ટ વેલી ફીવર, જીકા અને ડિસીઝ સામેલ X છે.